அஹிம்ஸா புஷ்பத்தை பகவானுக்கு அர்ப்பணியுங்கள். அஹிம்ஸை என்றால், மற்ற ஜீவராசிகளுக்கு துன்பமோ , வேதனையோ அளிக்காமல் இருப்பது தான் என்று தான் நாம் கருதுகிறோம். ‘’ அஹிம்ஸை ‘’ என்பதன் உண்மையான பொருள், சிந்தனை, சொல் மற்றும் செயலால் துன்பம் மற்றும் வேதனையை அளிக்காமல் இருக்க வேண்டும் என்பதாகும். புலடனக்கமே நாம் பகவானுக்கு அர்ப்பணிக்க வேண்டிய மற்றொரு புஷ்பமாகும்.நமது புலன்கள் கட்டுக்கு அடங்காமல் திரிகின்றன. ஓடும் குதிரைகளைக் கட்டுப்படுத்தாவிடில், அவை ஒரு அபாயத்தை ஏற்படுத்தி விடும்.பகவான் மனித உடலின் ஒவ்வொரு அங்கத்தையும் ஒரு குறிப்பிட்ட உபயோகத்திற்காகப் படைத்துள்ளார்.இந்த புலன்களை, அவைகள் எந்த நோக்கத்திற்காக படைக்கப் பட்டுள்ளனவோ, அதற்கான முறையான வழியில் பயன்படுத்தினால் மட்டுமே, நாம் இறை அருளுக்குப் பாத்திரமாவோம். நமது ஆத்ம சக்தி, கலக்கம் அல்லது தேவையற்ற துயரத்தினால் விரைவாகக் குறைந்து விடும் ; உடலும் கூட மனக்கலக்கங்கள் மற்றும் கவனச் சிதறல்களால், நோய்க்கு ஆளாகிறது. மனக்கிளர்ச்சி மற்றும் துயரத்தினால் ஒருவர் வெகு விரைவாக வயோதிகராகி விடுகிறார். இந்த புலன் அவயவங்களைக் கட்டுக்குள் வைத்துக் கொள்ளாதது தான், உடல் எனும் இந்த புனிதமான கருவியை நல்ல நிலையில் நீங்கள் பாதுகாத்துக் கொள்ள முடியாததற்குக் காரணம் . எனவே, புலனடக்கம் என்ற இரண்டாவது புஷ்பத்தை, பகவானை ஆராதிப்பதற்குப் பயன்படுத்த வேண்டும்.