வழிபாட்டில், நீங்கள் அர்ப்பணிக்கும் மலர்கள் உங்களால் உருவாக்கப் பட்டவையா? இறைவனது ஸங்கல்பத்தால் ஒரு மரத்திலோ அல்லது ஒரு தோட்டத்திலோ உருவாக்கப் பட்ட மலர்களைக் கொண்டு வந்து, நீங்கள் திரும்பவும், அவற்றைப் படைத்தவனுக்கே அர்ப்பணிக்கிறீர்கள். இறைவனால் படைக்கப் பட்ட மலர்களைத் திரும்பக் கொண்டு வந்து, இறைவனுக்கே படைப்பதில் என்ன பெருமை இருக்கிறது ? பலர் கங்கையில் நீராடி விட்டு, தங்கள் உள்ளங் கைகளில் கங்கை நீரை எடுத்து, அதைக் கங்கையிலேயே திரும்ப விடுவார்கள். இதில் என்ன பலன் இருக்கிறது? இறைவனுக்கு அர்ப்பணிப்பதில் இதை விடச் சிறந்த ஒன்றை நான் கூறுகிறேன். உங்கள் வாழ்க்கை எனும் மரத்திலிருந்து, நீங்கள் கவனமாக போற்றி, வளர்த்து, மலர்ந்த, உள்ளார்ந்த நற்குணங்கள் எனும் கனிகளைத் தேர்ந்தெடுத்து, அவற்றை இறைவனுக்கு அர்ப்பணியுங்கள் ! இதில் ஒரு தனித் தன்மை இருக்கிறது ! இந்த நற்குணங்களை அபிவிருத்தி செய்து கொள்வதற்கு, நீங்கள் பல கஷ்டங்களை அனுபவிக்க நேரிடலாம். ஆனால், இந்தக் கஷ்டங்களின் மூலம் தான் இந்த நற்குணங்கள் வளர்ந்துள்ளன என்பதையும், உங்கள் மனம் இயல்பாகவே, தெய்வீக மனக்குவிப்பைப் பெறுகிறது என்பதையும் நினைவில் கொள்ளுங்கள் !