காந்தியின் தாயாரான புத்லிபாய், ஒரு குயில் பாடுவதைக் கேட்காமல் உணவு அருந்துவது இல்லை என்ற ஒரு விரதம் பூண்டிருந்தார். ஒரு நாள் அவர் வெகு நேரம் காத்திருந்தும்,குயிலின் பாடல் கேட்கவில்லை. தனது தாயார் தனது விரதத்தில் உறுதியாக இருந்து , உணவு அருந்தாததைக் கண்டு கவலையுற்ற இளம் காந்தி, வீட்டின் பின்புறம் சென்று குயில் பாடுவதைப் போலக் கூவினார்.அவர் வீட்டின் உள்ளே வந்து, குயில் பாடி விட்டதால், உணவு அருந்தலாம் என்று தன் தாயாரிடம் கூறினார். தனது மகன் பொய் சொல்கிறான் என்று அறிந்ததால் புத்லி பாய் மிகவும் வருத்தம் அடைந்தார். அவள், ‘’ பகவானே! பொய் பேசும் ஒரு மகனைப் பெற ,நான் என்ன பாவம் செய்தேன் ‘’ என்று கதறி அழுதார். தன் தாய்க்கு தான் ஏற்படுத்திய அளவற்ற சோகத்தைக் கண்ட காந்தி, அன்றிலிருந்து தான் ஒரு போதும் பொய்மையில் ஈடுபட மாட்டேன் என்ற ஒரு சபதம் எடுத்துக் கொண்டார். தாய்மார்களே ! உங்களது பிள்ளைகளுக்கு நீதிப் பண்புகளில் பயிற்சி அளியுங்கள்; அவர்களது தவறுகளைக் கண்டும் காணாமல் விட்டு விடாதீர்கள் . அவர்கள் தவறான வழிகளில் செல்லும் போது, நீங்கள் அவர்களைத் திருத்த வேண்டும்; அவர்களது நல்ல செயல்களுக்குப் பரிசும் அளிக்க வேண்டும்.