“ யக்ஞ ‘’ என்ற வார்த்தைக்கு, தியாகம் என்று பொருள்; அதுவே யக்ஞத்தின் பிரதான குறிக்கோளாகும். நீங்கள்,சொத்து, சுகம் மற்றும் பதவி ஆகியவற்றை ( அஹங்காரத்தை ஊக்குவிக்கும் அனைத்தையும்) தியாகம் செய்து விட்டு, பரப்ரம்மத்துடன் ஒன்றரக் கலந்து விடுங்கள். அதுவே அடையவேண்டியதும், முடிவும் ஆகும். தியாகம் எனும் இலட்சியத்தை ஆதரித்து,குவிப்பதைக் கண்டனம் செய்வதால், யக்ஞங்கள் பலனளிப்பவையே.அவை, கவனச் சிதறலை அல்லாது, கட்டுப்பாட்டிற்கு முக்கியத்துவம் அளிக்கின்றன.அவை , இறைவன் பால், மனம், நாக்கு மற்றும் கரங்களின் மனக்குவிப்பை வலியுறுத்துகின்றன. அவநம்பிக்கையாளர்கள்,எவ்வளவு மூட்டை தானியங்கள், எவ்வளவு கிலோ நெய் என்று கணக்கிட்டுக் கொண்டு, பதிலுக்கு அதிக மூட்டைகள் மற்றும் கிலோக்கணக்கில் திருப்தி மற்றும் சந்தோஷத்தைக் கேட்கிறார்கள் ! குணநலன் மற்றும் மனச்சாட்சியின் மீது யக்ஞம் ஏற்படுத்தும் விளைவுகளை மீட்டர்களிலோ அல்லது கிராம்களிலோ கணக்கிட முடியாது. அவை உண்மையானவையாகவும், உணரக்கூடியவையாகவும் இருந்தாலும் கூட, அளவிட முடியாதவை. வேத மந்திர உச்சாடனங்களுடன் புனித வேள்வியில் இடப்படும் தானியங்களும், நெய்யும், ஆயிரம் மடங்கு அதிகமாக பலன்களைத் தருகின்றன; அவை உலகெங்கிலும் சுற்றுப் புறச்சூழலைத் தூய்மைப்படுத்தி , வலிமை ஊட்டுகின்றன.