இந்நாளில், எங்கும், ஒற்றுமை முழுவதுமாக மறைந்து, பகைமை உணர்வு வளர்ந்து வருவது போலத் தோன்றுகிறது. நீங்கள் எங்கிருந்தாலும், உங்களுக்குள் எதிர்ப்பு அல்லது வித்தியாசங்களை வளர்த்துக் கொள்ளாதீர்கள்.அது ஆரோக்யமானதல்ல.யாராவது உங்களைக் கோபப்படச் செய்தாலும், அவர்களுடன் சண்டை போடாதீர்கள். பிறருடன் சண்டை போடுவதால், நீங்கள் உண்மையில் உங்களையே பாதித்துக் கொள்கிறீர்கள் என்பதைப் புரிந்து கொள்ளுங்கள். பொறாமை, த்வேஷத்தை உருவாக்குகிறது, அது உங்களது நலனுக்குக் கெடுதல் என்பதை நினைவில் கொள்ளுங்கள். எனவே, ஒற்றுமையைப் பெற்று, எல்லா விஷயங்களிலும் ஒற்றுமையுடன் வாழ்வதைக் கடைப்பிடியுங்கள். உங்களது சிந்தனைகளைக் கட்டுப்படுத்துங்கள். இதுவே, உண்மையிலேயே படித்த ஒருவரது குணமாகும். இதுவே ‘’ விழுக்கல்வியின்’’ உண்மையான சாரமும் ஆகும். அனைவரும் மனிதர்களே. அனைவரும் இறைவனின் குழந்தைகளே. எனவே, எந்த வித்தியாசங்களுக்கும் இடம் கொடாமல் ஒற்றுமையாக வாழுங்கள். நீங்கள் உங்கள் இதயத்தை, இடையறாது தூய்மையாக வைத்துக் கொண்டால், அனைத்தும் நல்லவையாகவே ஆகி விடும். கல்வியின் முடிவு, நல்லொழுக்கமே. நல்லொழுக்கத்தின் மூலம் நீங்கள் வாழ்க்கையில் எதையும் சாதிக்கலாம். எனவே, நீங்கள் உங்களது குணநலனை எப்போதும் பாதுகாத்துக் கொள்வது , உங்களுக்கு அத்தியாவசியமாகும். இப்படிப் பட்ட ஒரு மனிதரே உண்மையில் கற்றுத் தேர்ந்தவராவார் !