இறைவனுக்கு என்று ஒரு குறிப்பிட்ட ரூபம் கிடையாது. ப்ரம்மா, விஷ்ணு, மஹேஸ்வரன் ஒருவருக்கு ஒருவர் வேறு அல்ல. அவனது பக்தர்கள் தியானிக்கும் ரூபத்தில் இறைவன் தோன்றுகிறான். ஒரு பெண் , தனது கணவனை தெய்வமாகக் கருதினால், அவனில், அவளால் இறைவனை உணர முடியும். இறைவன் ஒவ்வொரு மனிதனுள்ளும் உறைகிறான் ( தெய்வம் மானுஷ ரூபேண). அனைவரும் இறைவனது திருவுருவங்களே. எனவே,’’ இறைவன் எங்கிருக்கிறான் ?’’ என்ற கேள்விக்கு,‘’ இறைவன் எங்கும் இருக்கிறான்‘’ என்பதே பதிலாகும். சைதன்ய ரூபத்தில் உங்களுள் இருக்கும் ஆத்மாவே ஒவ்வொரிடத்திலும், ஒவ்வொருவருள்ளும் இருக்கிறது. எனவே, அங்கிங்கெனாதபடி எங்கும் நிறைந்த இறைவனைத் தேடாதீர்கள் ! உங்கள் கண்களை மூடி, உங்களுக்கு மிகவும் பிடித்தமான இறை ரூபத்தைத் தியானியுங்கள். இறைவன் அந்த ரூபத்திலேயே உங்கள் முன் தோன்றுவான். இறைவன் ஏதோ ஒரு குறிப்பிட்ட இடத்தில் மட்டுமோ, அல்லது வெகு தொலைவில் மட்டுமே இருக்கிறான் என்று ஒரு போதும் எண்ணாதீர்கள். அவன் அங்கிங்கொனாதபடி எங்கும், எல்லாக் காலத்திலும் இருக்கிறான்: அவன் பிரபஞ்சத்தில் உள்ள ஒவ்வொரு அணுவிலும் ஊடுருவி உறைகிறான். அந்த இனிமையான இறைவனை , உங்களுள்ளேயே அனுபவிப்பதையே, உங்களது வாழ்க்கையின் குறிக்கோளாக ஆக்கிக் கொள்ளுங்கள்.