புத்தி என்பது ஒரு இரு முனைக் கத்தி போன்றதாகும். அது சங்கிலிகளை அறுத்து எறிந்து உங்களை விடுவிக்கவும் முடியும் ; அதுவே அபாயகரமான காயங்களை உண்டாக்கி, உங்களைக் கொல்லவும் முடியும். அதனால் தான் , தலை சிறந்த காயத்ரி மந்திரம், புத்தி மீது ஆளுமை செய்து, அதைத் தனி மனிதர் மற்றும் சமுதாயத்திற்கு பயனுள்ளதாக ஆக்குமாறு இறைவனை பிரார்த்திக்கிறது. உணர்வுகளுக்குக் கற்பிப்பது,உணர்ச்சிகளைக் கட்டுப் படுத்துவது என்ற இரண்டுமே,புத்தியைப் பரிசுத்தப் படுத்தும் ஆன்மீக சாதனையான யோகாவின் அங்கங்களே. உண்மை நிலையை மூடி மறைக்கும் அறியாமை எனும் பனி மூட்டத்தை ஊடுருவிச் செல்வதற்கு, புத்தி , நல்லொழுக்கங்களின் அடிப்படையில் உருவாக்கப் பட வேண்டும். எப்போது, கர்மா, ஒரு அர்ப்பணிப்பாகவும், உபாஸனை வாழ்க்கைக்கே இன்றியமையாத ஒன்றாகவும் செய்யப் படுகிறதோ, புத்தியை மூடி மறைக்கும் பனிமூட்டம் உருகி மறைந்து, சத்தியத்தை வெளிப்படுத்துகிறது. கர்மாவில் ஈடுபடுவது, இறையார்ப்பணமாகச் செய்யப் படும்போது, அது, செய்பவரை பாதிக்கும் தீய விளைவுகளை இழந்து, பலன்களை இறைவனிடமே விட்டு விடுகிறது! மேலும் ஒவ்வொரு கர்மாவும், ஒரு வழிபாடாக ஆற்றப் படுவதால், அதுவே ஒருவரது முழுத் திறனையும் வெளிக் கொணர்ந்து, உலகியலான கர்மாவை , ஒரு இறை ஆராதனையாக உயர்த்தி விடுகிறது.