நீங்கள் இறப்பிலிருந்து எழுவது போல, ஒவ்வொரு நாளும் விழித்தெழுங்கள். இந்தப் பிரார்த்தனையைக் கூறுங்கள், ‘’ இறைவனே! இப்போது நான் பிறந்திருக்கிறேன். இதமான, இனிமையான வார்த்தைகளை என்னைப் பேச வையுங்கள்; அனைவரிடத்தும் அமைதியாகவும், அனுசரணையாகவும் என்னை நடந்து கொள்ளச் செய்யுங்கள்; அனைவருக்கும் ஆனந்தம் பொழியும் செயல்களை நான் செய்யட்டும்; அனைவருக்கும் பயனளிக்கும் சிந்தனைகள் என் மனதில் உருவாகட்டும். இறைவா ! உனக்கு சேவை ஆற்றுவதன் மூலம் இந்த நாள்,பயனுள்ளதாக அமையட்டும். ‘’ உங்களது நாளின் அலுவல்களைத் தொடங்கும் முன், உங்கள் படுக்கையில் அமர்ந்து இவ்வாறு பிரார்த்தியுங்கள். இந்த உறுதி மொழியை நாள் முழுவதும் நினைவில் வைத்திருங்கள். இரவில் உறங்கச் செல்லும் முன், எழுந்து அமர்ந்து, அந்த நாளின் அனைத்து அனுபவங்களையும் விரைவாக ஆய்வு செய்யுங்கள்; சொல் அல்லது செயலால், எவருக்காவது வேதனை அல்லது அதிருப்தியை நீங்கள் ஏற்படுத்தினீர்களா என்பதைப் பாருங்கள். பின்னர், ‘’ இறைவா ! நான் இப்போது மடிந்து, உன் மடியில் விழப் போகிறேன். ஏதாவது குறைகள் இருந்தால் என்னை மன்னித்து அருள்வாய்; உன்னுடைய அன்பான அடைக்கலத்தில் என்னை ஏற்றுக் கொள்வாய் ‘’ என்று பிரார்த்தியுங்கள். ஒரு விதத்தில், உறக்கம் என்பது ஒரு குறுகிய இறப்பே; இறப்பு என்பது ஒரு நீண்ட உறக்கமே !