இறைவன், வேதங்களில், ‘’ ரஸோ வை ஸஹ – அவனே இனிமையான சாரம் ‘’ என்று வர்ணிக்கப் படுகிறான். இனிமை என்பது எவ்வாறு கசப்பாக முடியும்? இறைத் தன்மை என்பது ஒரு அப்பழுக்கற்ற தெளிவான கண்ணாடி போன்றதாகும். நீங்கள் உங்களையே அதில் பிரதிபிம்பமாகக் காண்கிறீர்கள். உங்களிடம் அச்சுறுத்தும் தன்மைகள் இருந்தால், நீங்கள் காணும் பிரதிபிம்பமும், உங்களை பயமுறுத்தும். உங்களிடம் மிருதுவான மற்றும் தீங்கற்ற தன்மைகள் இருக்குமானால்,பிரதிபிம்பமும் மிருதுவாகவும், இதமாகவும் இருக்கும். நீங்கள் அடிக்கடி செய்ய முற்படுவது போல, இறைவனின் மீது பழி போடாதீர்கள் !அனைத்தும் சரியாக நடக்கும் போது, நீங்கள் இறைவன் உங்கள் அருகில் வந்து விட்டான் என்கிறீர்கள்; ஏதாவது தவறாகி விட்டால், இறைவன் உங்களை கை விட்டு விட்டு, வெகு தொலைவில் சென்று விட்டான் என்கிறீர்கள் ! அவன் வெகு தொலைவிற்கோ அல்லது அருகிலோ செல்வது இல்லை.அவனுக்கும் உங்களுக்கும் உள்ள தூரம், உங்களுக்கும், அவனுக்கும் இடையில் உள்ள தூரமே.அவன் அங்கிங்கெனாதபடி எங்கும் நிறைந்தவன். அவன் உங்கள் இதயத்திலேயே உறைகிறான்.அவனை அங்கேயே இனம் கண்டு, உங்களுக்கு மிகவும் நெருக்கமானவனாகவும் அருகாமையில் உள்ளவனாகவும் அவனை உணருங்கள். உங்களது சொந்த ஆத்மாவே அவன்; கொடியவனும் அல்ல, மென்மையானவனும் அல்ல; ஆனால் அவன் அவனே.