சோம்பேறித் தனத்தை விட்டு விடாமல் ,சத்தியத்தை எவ்வாறு அறிந்து கொள்ள முடியும் ? மனக்கிளர்ச்சியைக் கை விடாமல் , பக்தி எவ்வாறு வேரூன்ற முடியும்? கவலையிலும்,கலக்கத்திலும் , சாந்தமாகவும், அமைதியாகவும் இருங்கள் - அதுவே ,நிரந்தர சத்தியமான இறைவனை வெல்வதற்கான சாத்வீகப் பாதை ஆகும். மனம் விசித்திரமான ஒன்றாகும் ; அதன் கோமாளித்தனங்கள் அதை விட ஆச்சரியமானவை .அதற்கென்று ஒரு குறிப்பிட்ட உருவமோ அல்லது வடிவமோ கிடையாது . அது எதில் ஈடு பட்டு இருக்கிறதோ, அதன் வடிவத்தை அது எடுத்துக் கொள்கிறது. ஆசைக்கு ஆசை அலைந்து கொண்டும், ஒரு விருப்பதிலிருந்து மற்றொரு விருப்பத்திற்கு திரிந்து கொண்டும் இருப்பது அதன் இயல்பு. நஷ்டத்தையும்,துன்பத்தையும் எழுச்சியையும், தளர்ச்சியையும் அது உண்டாக்குகிறது.அதன் விளைவுகள், நன்மை,தீமை இரண்டுமே. மனம் அனுபவங்களை சேகரித்து, அவற்றை நிரந்தரமாக சேமித்து வைத்துக் கொள்கிறது. எதையும் தியாகம் செய்யும் கலை அது அறியாத ஒன்று !அதன் விளைவாக ,துக்கம் , கவலை மற்றும் துயரம் ஆகியவை அதில் விடாமல் பொங்கிக் கொண்டே இருக்கின்றன. உங்கள் மனதின் இயல்புகளையும், அவற்றை வெல்வதற்கான வழிகளையும் அறிந்து கொள்வது பயனுள்ளதாகும் ;ஏனெனில் இறுதியில் நீங்கள் அதனால் பலன் பெறுவீர்கள். அதற்கு தியாகத்தைக் கற்றுக் கொடுங்கள், நீங்கள் யோகி ஆகி விடுவீர்கள் !