இன்று மனிதர்கள், தங்களது புத்தி ( மதி),முயற்சி ( கதி), பதவி (ஸ்திதி ) மற்றும் செல்வத்தை ( ஸம்பத்தி) முறையாகப் பயன்படுத்தாது, தெய்வம் பரிசாக அளித்த புனித சக்தியை இழந்து கொண்டு இருக்கிறார்கள். இது மட்டும் அல்லாது,காமம்,க்ரோதம், லோபம் போன்ற தீய குணங்களால் துக்கத்திற்கும்,துயரத்திற்கும் ஆளாகிறார்கள். மனிதர்களுக்கு தங்களது ஆசைகள் மீது கட்டுப்பாடே இல்லை. ஒரு ஆசை பூர்த்தி ஆனவுடன், அவர்கள் மற்றொன்றிற்காக ஏங்குகிறார்கள். மற்றுமொரு தீய குணமான கோபம், அழிவை ஏற்படுத்துகிறது. த்வேஷம், கோபத்தை விட அதிகம் அபாயகரமானதாகும். இவை , நீங்கள் தெய்வீகத்தை உணர முடியாதவாறு தடுக்கும் மேலும் பல தீய குணங்களை உருவாக்குகின்றன. உங்களது சொந்த தீய குணங்களின் பிரதிபலிப்பு, பிரதித்வனி மற்றும் பிரதிபலன்களாலும் கூட, நீங்கள் வதைக்கப் படுவீர்கள். ஆசை,கோபம் மற்றும் த்வேஷம் ஆகியவை மனிதப் பண்புகள் அல்ல; அவை மிருக குணங்கள்.இந்தக் கொடிய குணங்கள், உங்களை ஆக்ரமிக்க நீங்கள் அனுமதித்தால்,நீங்களும் ஒரு மிருகமாகி விடுவீர்கள். எனவே, இடையறாது, நீங்கள் ஒரு மனிதர், மிருகமல்ல என்பதை உங்களுக்கே நினைவூட்டிக் கொண்டு, இந்தப் பண்புகளை அடக்கி,ஒரு சந்தோஷமான வாழ்க்கையை அனுபவியுங்கள்.