ஒரு தெய்வீக வாழ்க்கையை நடத்துவது எப்படி? எந்த ப்ரத்யேகமான உறுப்பினர் அந்தஸ்தும் இதை உங்களுக்குப் பெற்றுத் தர முடியாது. அனைத்து வேற்றுமைகளுக்கும் பின்னால் இருக்கும் ஒற்றுமையை உணர்வதற்கான ஒவ்வொரு முயற்சியும், தெய்வீக வாழ்க்கைப் பாதையின் ஒரு படியே ஆகும். தெய்வீக வாழ்க்கை, குணநலன்களில் இம்மி அளவு கசடையோ, புத்தியில் எந்த விதமான குழப்பத்தையோ, அனுமதிப்பதில்லை. கவலை, பயம்,மேலும் அறியாமையை வேரோடு களைந்து விடுங்கள். அதன் பின்னரே, உங்களது தனித்தன்மை ஒளிர் விட்டு மிளிரும். எது நடந்தாலும் அதுவே தலைசிறந்தது என்றும் இறைவனது ஸங்கல்பமே நடக்கும் என்றும், உங்களுக்கு அறிவுறுத்தும் இறைவன் பால் கொள்ளும் நம்பிக்கை, கவலையை நீக்கும். அமைதியாக ஏற்றுக் கொள்ளுவதே, கவலைக்கு எதிரான மிகச் சிறந்த கவசமாகும்.இவ்வளவு மோசமாக நீங்கள் நடத்தப் படக் கூடாது , நீங்கள் நிராதரவராக விடப்பட்டவர்கள் என்ற அஹங்கார உணர்விலிருந்தே சோகம் உருவாகிறது. அஹங்காரம் நீங்கினால், சோகம் மறைந்து விடுகிறது. உடலையே ஆத்மா என இனம் கண்டு கொள்ளும் தவறே அறியாமையாகும் !உண்மையில் நீங்கள் ஒவ்வொருவரும் அஹங்காரமற்றவர்களாக ஆக முயல வேண்டும்; பின்னர், இறைவன் உங்களை அவனது புல்லாங்குழலாக ஏற்றுக் கொள்வான்.