ஒரு தாகமுற்ற பிரயாணி, ஒரு ரயில் நிலயத்தில்,தண்ணீர் கொண்டு வருபவரை, அவரது தோல் பை சுத்தமானதாக இருக்கிறதா என்று கேட்டார். அதற்கு அவருக்குக் கிடைத்த பதில், ‘’ சுத்தத்தைப் பொறுத்த வரை, தண்ணீர் ஊற்றும் பை, தண்ணீரைப் பெறும் பையை விட ( தாகமானவரின் உடல்) சுத்தமானதே என்று தான் என்னால் கூற முடியும் ‘’. நீங்கள் உங்கள் மனம் மற்றும் புத்தியின் பரிசுத்தத்தைப் பற்றி அதிகம் கவனம் செலுத்த வேண்டும். பிறரைக் குறை கூறுவது, பிறரது செயல்களில் தவறு காண்பது ஆகியவற்றிற்குப் பதிலாக, உங்களைத் தீவிரமாக ஆராய்ந்து, உங்களை நன்றாகப் புரிந்து கொண்டு,உங்களது தவறுகளைத் திருத்திக் கொள்ளுங்கள்; தனது தவறான நடனத்திற்கு, நட்டுவாங்கத்தைக் குறை கூறும், நடனமணியைப் போல இருக்காதீர்கள். பொருட்களாலான இந்த உலகம் , இறைவனைப் போன்று பழமையானது; அது எப்போது தோன்றியது என்று நம்மால் கண்டு கொள்ள இயலாது; ஆனால் , குறைந்த பட்சம், நம் ஒவ்வொருவரைப் பொறுத்த வரை அது எப்போது முடியும் என்று முடிவு செய்து விடலாம். நீங்கள் ஒரு கிணற்றினுள் நோக்கும் போது, உங்களது பிரதிபிம்பம் எப்போதும் தெரியும்; உங்களைப் பொறுத்த வரை, நீங்கள் அந்தக் கிணற்றை நாடாமல் இருந்தாலோ அல்லது அதில் கவனம் செலுத்தாமல் இருந்தாலோ, அந்தத் தருணத்திலிருந்தே உங்களது பிரதிபிம்பத்தை அங்கிருந்து விலக்கி விட முடியும்.