உங்களது பகுத்தறிவை வளர்த்துக் கொண்டு,உங்களது சொந்தத் தேவைகள் மற்றும் ஆசைகளைக் கூட மதிப்பிட்டுப் பாருங்கள். அத்தியாவசியம் என்ற உரைகல்லில் ஒவ்வொன்றையும் ஆராய்ந்து பாருங்கள். நீங்கள் உங்களது இல்லங்களில், பொருட்களைக் குவித்துக் கொள்ளும் போது, இருளையும், தூசியையும் தான் ஊக்குவிக்கிறீர்கள்; அதைப் போலவே, உங்கள் மனதிலும், மிக அதிகமான விஷயங்களை அடுக்கி வைத்துக் கொள்ளாதீர்கள். வாழ்க்கைப் பயணத்தை குறைந்த சுமையுடன் நடத்துங்கள் ! உயிரைக் காத்து, ஆரோக்கியத்தைப் பேணுவதற்கு எவ்வளவு தேவையோ, அந்த அளவே வைத்துக் கொள்ளுங்கள். பருப்பில், அதன் சுவைக்குத் தேவையான அளவே , உப்பு இருக்க வேண்டும்.அதிகமான உப்பைப் போட்டு, அதன் சுவையை கெடுத்து விடாதீர்கள். அதைப் போலவே, வாழ்க்கையும், அதில் நீங்கள் மிக அதிகமான ஆசைகளை சேர்த்தீர்களானால், தாங்க முடியாமல் போய்விடும். உங்கள் சக்திக்குத் தகுந்த அளவே உங்களது ஆசைகளைக் கட்டுப் படுத்திக் கொள்ளுங்கள்; அதிலும் கூட நிரந்தர சந்தோஷத்தைத் தருபவற்றை மட்டுமே வைத்துக் கொள்ளுங்கள். ;நவீன நாகரீகம் மற்றும் பிறரது பாராட்டிற்காக அலைந்து, உங்களது வளமைகளை சரி செய்ய முடியாத அளவிற்கு சிரமப் படுத்திக் கொள்ளாதீர்கள். மேலும், உங்களது வாழ்க்கையை சீரமைக்கும் அல்லது நீங்கள் அடைந்துள்ள நிலைக்கான, விதிமுறைகளுக்கு ஏற்றவாறு வாழுங்கள்.