நீங்கள் ஒரு புனித யாத்திரைக்கு ,இறை அருளைப் பெறுவதற்கான மனப் பக்குவம் இன்றி, ஏதோ , உல்லாசப் பயணம் போலச் சென்றீர்கள் என்றால் , அது வெறும், பொழுது போக்காக இருக்குமே அன்றி உங்களது ஆன்மீக மனப்பாங்கை வலுப் படுத்துவதாக இருக்காது! கண் தெரியாத ஒருவர் பகல் அல்லது இரவைப் பற்றிக் கவலைப் படுவதில்லை . அதைப் போலவே, அந்த இடங்களின் புனிதத்துவத்தை நீங்கள் மனதில் பதித்துக் கொள்ளவில்லை என்றால் , உங்களுக்கு ஒரு இடத்திற்கும் , மற்றொரு இடத்திற்கும் எந்த வித்தியாசமும் தெரியாது. புனித யாத்திரைகளின் பலனாக உங்களது பழக்கங்கள் நல்ல விதமாக மாற வேண்டும்; உங்களது பார்வை விசாலமாக ஆக வேண்டும்; உங்களது உள்ளார்ந்த நோக்கு ஆழமாகவும், நிலையானதாகவும் ஆக வேண்டும். தெய்வம் அங்கிங்கெனாத படி எங்கும் வியாபித்து இருப்பதையும், மனித குலத்தின் ஒருமையையும் நீங்கள் உணர வேண்டும். நீங்கள் சகிப்புத் தன்மை ,பொறுமை,தானம் மற்றும் சேவையைக் கற்றுக் கொள்ள வேண்டும். புனித யாத்திரைக்குப் பிறகு, உங்களது இல்லங்களில்,, நீங்கள் பெற்ற சிறந்த அனுபவங்களை மனதில் அசை போட்டுப் பார்த்து,, ஆத்ம சாக்ஷாத்காரத்தின் உயர்ந்த மற்றும் அற்புதமான அனுபவத்தைப் பெறுவதற்கு உறுதி எடுத்துக் கொள்ள வேண்டும்.