ஒவ்வொருவரும் தியாக உணர்வை வளர்த்துக் கொள்ள வேண்டும். தெய்வம் பரிசாக அளித்த உடலின் மூலம் மற்றவர்களுக்கு சேவை ஆற்ற வேண்டும். உங்கள் மனதில், நல்ல மற்றும் சீரிய சிந்தனைகளை மட்டுமே பேண வேண்டும். உங்களது செல்வத்தை, கல்வி மற்றும் இதர நிறுவனங்களுக்கு ஆதரவு அளிப்பதன் மூலம், மக்களுக்கு உதவுமாறு, பயன்படுத்த வேண்டும்.பசியால் வாடுவோருக்கும், தேவைப்பட்டவர்களுக்கும் உணவு அளியுங்கள்.இதுவே ஒரு அர்த்தமுள்ள மற்றும் பண்படுத்தப் பட்ட வாழ்க்கையை நடத்தும் வழியாகும். வாழ்க்கை , உங்களுக்கு உண்டு கொழுப்பதற்காகக் கொடுக்கப் பட்டதல்ல. உடலே, தர்மத்தைக் கடைப்பிடிப்பதற்கான அடிப்படைக் கருவியாகும். உங்களது காலம் அனைத்தையும், சேவைக்கும், மற்ற கடமைகளை ஆற்றுவதற்கும் அர்ப்பணியுங்கள்.உங்களது ஆன்மீக சாதனை சுயநலமான குறிக்கோள்களுக்காக இருக்கக் கூடாது.அது மற்றவர்களது நன்மையைப் பேண வேண்டும். சுயநலத்தை விடுத்து, பிறருக்கான தன்னலமற்ற ப்ரேமையை வளர்த்துக் கொள்வதன் மூலம், உங்களது வாழ்க்கைகளை புனிதப்படுத்துங்கள். இறைவன் மட்டுமே,உங்களது ஆன்மீக சாதனைகளை, ஒரு அதீதமான அனுபவமாக மாற்ற வல்லவன்.தெய்வீக சாக்ஷாத்காரம் உங்களிடமே இருக்கிறது. இது வெளியிலிருந்து வருவதல்ல. அது உங்களுக்குள்ளேயே இருக்கிறது.; ஏனெனில் தெய்வம் அங்கிங்கெனாதபடி எங்கும் நிறைந்திருப்பதாகும்.