உங்களது உண்மையான இயல்பைப் புரிந்து கொள்ள நீங்கள் மூன்று விஷயங்களைச் செய்ய வேண்டும் : உடலை வளையுங்கள்,புலன்களைத் திருத்துங்கள், மனதை முடியுங்கள். ‘’ உடலை வளையுங்கள்’’ என்றால், உங்களுள் அஹங்காரம் வளர்ந்து விட அனுமதிக்கக் கூடாது என்பதாகும். உங்களது கடமைகள் அனைத்தையும் உளமாற, பணிவுடன் ஆற்றுங்கள். ‘’ புலன்களைத் திருத்துங்கள் ‘’ என்றால், உங்களது புலன்கள் எவ்வாறு நடந்து கொள்கின்றன, அவை வழி தவறுகின்றனவா என ஆராய்ந்து, அவை அவ்வாறு செய்யும் போது, அவற்றைத் திருத்தி, உரிய முறையில் கட்டுப்படுத்த வேண்டும் .‘’ மனதை முடிப்பது ‘’ என்றால்,உங்கள் மனதின் அலை பாய்ச்சலை, அமைதிப் படுத்த வேண்டும் . எவ்வாறு ? இதோ ஒரு பூட்டும், சாவியும் இருக்கின்றன. சாவியை, இடது பக்கம் திருப்பினால், பூட்டு, பூட்டிக் கொள்கிறது. சாவியை வலது பக்கம் திருப்பினால், பூட்டு திறந்து கொள்கிறது.சாவி ஒன்றேதான்; சாவியைத் திருப்புவதில் உள்ள வித்தியாசத்தினால் தான், பூட்டுவதும், திறப்பதும் நிகழ்கின்றன. உங்களுள், உங்கள் இதயமே பூட்டு, மனமே உங்கள் சாவி. உங்கள் மனதை தெய்வத்தின் பால் திருப்புங்கள், உங்கள் இதயம் பற்றின்மையை வளர்த்துக் கொள்ளும்.உங்கள் மனதை உலகை நோக்கித் திருப்புங்கள், அது பற்றுதல் கொண்டதாக ஆகி விடுகிறது. மனதை முடியுங்கள் என்றால், உங்கள் மனதை தெய்வத்தை நோக்கித் திருப்புவது என்றே பொருள் !