இளைஞர்களே! நீங்கள் ஈட்டிய செல்வம், நீங்கள் பெற்றுள்ள வளமை, நீங்கள் கட்டியுள்ள மாளிகைகள் யாவும் நிலையற்றவை மற்றும் நிரந்தரமற்றவை. வருங்காலத்தில் நீங்கள் சாந்தி, சந்தோஷங்களுடனான ஒரு வாழ்க்கையை நடத்த விரும்பினால், அது தற்காலத்தில் நீங்கள் ஆற்றுகின்ற செயல்களைப் பொறுத்தே இருக்கிறது. உங்களது நடத்தையே உங்களது வாழ்க்கையின் மிக முக்கியமான ஒன்றாகும்; இதுவே உங்களது எதிர்கால வாழ்க்கைக்கான அஸ்திவாரத்தை இடுகிறது.உங்களது தற்கால நடத்தையை சரியான வழியில் நீங்கள் அமைத்தால் மட்டுமே, உங்களது எதிர்காலம் சாந்தி, சந்தோஷங்களுடன் இருக்கும். நீங்கள் இன்று நடும் விதையே, எவ்விதமான மரம் வளரும் என்பதை நிர்ணயிக்கும். இன்று நீங்கள் உங்கள் பெற்றோரை மதித்தால், எதிர்காலத்தில் உங்கள் பிள்ளைகள் உங்களை மதிப்பார்கள். எனவே, நீங்கள் தெய்வத்தின் அருகாமையில் இருக்க விரும்பினால், நல்லவற்றையே பாருங்கள், நல்லவற்றையே செய்யுங்கள், நல்லவராக இருங்கள். இதுவே வழி- தெய்வத்திற்கு அருகாமையில் செல்வதற்கான ராஜபாட்டையும்,ஒவ்வொரு மனிதனின் தலையாய கடமையும் இதுவே ஆகும்.