சில சமயங்களில்,நீங்கள் மற்றவர்களை விட மிக எளிதாக கோபம் மற்றும் சோகத்திற்கு ஆளாகி விடுவதால், உங்களை நீங்களே பலஹீனர்களாக கருதக் கூடும். இந்த இரண்டையும் வெல்ல மேலும் அதிகமாக முயற்சிகள் எடுங்கள் என்று உங்களுக்கு நான் அறிவுறுத்துகிறேன். இறை நாமஸ்மரணையே இதற்கான மருந்தாகும்; இதை நீங்கள் அனைவரும் செய்தீர்கள் என்றால், இறைவன் உங்களைக் காக்க ஓடோடி வருவான்.எவரையும் வெறுக்கவோ அல்லது அவர் மீது பொறாமை கொள்ளவோ செய்யாதீர்கள்.பிறரது குறைகளை மன்னித்து விடுங்கள், ஆனால் உங்களது சொந்தக் குறைகளைக் கடுமையாகக் கையாளுங்கள்! இறைவனது திருநாமம், அனைத்தும் இறைவனது ஸங்கல்பமே என்ற நம்பிக்கையை உங்களுக்கு ஊட்டி, துள்ளிக் குதிக்கவோ அல்லது துவண்டு விடவோ உங்களுக்கு அதிகாரம் இல்லை என்பதை போதிக்கும். ஒரு மருத்துவரிடம் செல்லும் போது, அவர் அறிவுறுத்தும் மருந்தை எடுத்துக் கொண்டு, அவரது அறிவுரை மற்றும் ஆலோசனைகளை நீங்கள் பின்பற்றியே ஆக வேண்டும். இதைச் செய்யாது , மருத்துவரைக் குறை கூறுவதால் பயனில்லை. நீங்கள் மருந்தை எடுத்துக் கொள்ளாமலும், பத்தியத்தைப் பின்பற்றாமலும் இருந்தால், மருத்துவர் உங்களை எவ்வாறு குணப்படுத்துவார்? நான் கூறியபடி செய்யுங்கள், என் அறிவுரையைப் பின்பற்றுங்கள்; அதன் பின் விளைவுகளைப் பாருங்கள்.