சாந்தியின்மையே மிகக் கொடிய நோயாகும். எனவே, நல்ல ஆரோக்யத்தை நாடும் ஒவ்வொருவரும் அவர்களுக்கு உயிரூட்டும், உணர்வுகள், உணர்ச்சிகள் மற்றும் உந்துதல்களின் மீது கவனம் செலுத்த வேண்டும். உங்கள் துணிகளைத் துவைக்கக் கொடுப்பதைப் போலவே, நீங்கள் உங்கள் மனதை அடிக்கடி கழுவி அழுக்கை நீக்க வேண்டும் ; இல்லை என்றால், அந்த அழுக்கு குவிந்து, ஒரு பழக்கமாக ஆகி விடும், பின்னர் அது வண்ணானுக்கும் கடினமாக ஆகி விடுவதோடு, துணிகளுக்கும் கேடு விளைவிக்கும். சுத்தப் படுத்துவது ஒரு தினசரி வேலையாக இருக்க வேண்டும்; உங்கள் மனதில் அழுக்கு படியாதவாறு நீங்கள் பார்த்துக் கொள்ள வேண்டும். இதற்கு, நீங்கள் மன அழுக்குகளான பொய்மை, அநீதி, ஒழுங்கீனம், வன்முறை, த்வேஷம் போன்றவற்றைத் தவிர்ப்பவரின் நட்பு வட்டத்தில் பழகுவது அவசியம். சத்யம், தர்மம், சாந்தி, ப்ரேமை- இவையே சுத்தமான அம்சங்களாகும். இந்த சுத்த அம்சங்கள் நிறைந்த தூய காற்றை நீங்கள் சுவாசித்தால், உங்கள் மனம் தீய விஷக்கிருமிகள் இன்றி இருக்கும்; நீங்கள் மனத்தளவில் துணிவுள்ளவராகவும், உடலளவில் வலிமையானவராகவும் இருப்பீர்கள்.