வாழ்க்கையின் கஷ்டங்களை, மனவலிமையுடன் எதிர் கொண்டு, அவற்றை வெல்பவனே உண்மையான மனிதன்.இதற்குத் தேவை, ஆத்ம பலம். ஆன்மீக சக்தி இன்றி, மற்ற அனைத்தும் மதிப்பற்றவையே. நீங்கள் எந்த ஆன்மீக சாதனைகளைக் கடைப்பிடித்தாலும் அல்லது இல்லா விட்டாலும், அனைவர் மீதும் ப்ரேமையை வளர்த்துக் கொள்ளுங்கள்.அந்த ப்ரேமையை, ஒரு தெய்வீக அர்ப்பணமாக அனைவருக்கும் அளியுங்கள். உலக ஒற்றுமையை ப்ரேமையின் மூலமே அபிவிருத்தி செய்ய முடியும். ப்ரேமை இல்லாததனால் தான், அனைத்து விதமான வித்தியாசங்களும் எழுகின்றன. அன்பே கடவுள். அன்பில் வாழுங்கள். இதையே, உங்களது வாழ்க்கையின் வழிநடத்தும் கோட்பாடாக ஆக்கிக் கொள்ளுங்கள். தெய்வீக ப்ரேமையின் திருவுருவங்களே! இறைவன் இந்த ப்ரபஞ்சத்தின் அனைத்திலும் ஊடுருவி இருக்கின்றான் என்பதை எப்போதும் நினைவில் கொள்ளுங்கள். நீங்கள் அனுபவிக்கும் அனைத்தும் தெய்வீகமே. நீங்கள் காணும் அனைத்தும் தெய்வீகமே. நீங்கள் உண்ணும் எதுவும் தெய்வீகமே. நீங்கள் சுவாசிக்கும் காற்றும் தெய்வீகமே.நீங்கள் காற்றைக் காணவும் முடியாது, கையில் பிடிக்கவும் முடியாது. அதைப் போல, இறைவனைப் புரிந்து கொள்வதும் இயலாது. கண்கள் அவனைக் காண முடியாது. அவனை இதயத்தில் உணர மட்டுமே முடியும்.அவன் மனதிற்கும் அப்பாற்பட்டவன்.