இன்று அவநம்பிக்கையும், அக்கறையின்மையும் எங்கும் வெகுவாகப் பரவியுள்ளன; மனிதர்கள் அர்த்தமற்ற கவலைகள், முடிவற்ற ஆசைகள், பெறவே முடியாத பேராவல்கள் ஆகியவற்றில் சிக்கிக் கொண்டு மனச் சாந்தியின்றி இருக்கின்றனர்.மனிதர்கள் தங்களது தெய்வீக சாரத்தை மறந்து விட்டார்கள். ஆன்மீக ஜோதி மட்டுமே ,அறியாமை மற்றும் சாந்தியின்மை என்ற இருளில் தடுமாறும் ஒவ்வொருவருக்கும், சரியான பாதையை காட்ட முடியும். மனித குலத்தில் தெய்வீகம் பொதிந்துள்ளது.மனித குலம் தனது அடிப்படை மனித குணங்களைக் கண்டறிந்து கொள்ள வேண்டும். மனிதத்தன்மை என்றால் என்ன? அடிப்படையில், சிந்தனை, சொல் மற்றும் செயலில் இசைவு இருப்பதே அதன் பொருளாகும்.ஒரு விதை எவ்வாறு, ஒரு பாறாங்கல்லில் இன்றி, வளமான நிலத்தில் மட்டுமே முளைக்க முடியுமோ, அவ்வாறே உண்மையான மனிதப் பண்புகள் ஒரு ப்ரேமையுள்ள இதயத்தில் மட்டுமே வளர முடியும். எனவே, நீங்கள் அனைவரும் கருணையையும், சமச்சீரான மனப்பாங்கினையும் வளர்த்துக் கொள்ள வேண்டும்.தெய்வீகம் அங்கிங்கெனாதபடி எங்கும் நிறைந்து, ஒவ்வொரு ஜீவராசியின் உள்ளும், புறமும் உறைகிறது.நீங்கள் ஒவ்வொருவரும் தெய்வீகத்தின் திருவுருவங்களே. இறைவனைப் போல, நீங்களும் ப்ரேமை ஸ்வரூபங்களே.குறுகிய மனப்பாங்கின்றி, உங்களது ப்ரேமையை அனைவருடனும் பகிர்ந்து கொள்வதன் மூலம் விசாலப் படுத்திக் கொண்டு, உங்களது வாழ்க்கையை அர்த்தமுள்ளதாகவும், போற்றத் தக்கதாகவும் ஆக்குங்கள் !