இந்த சமுதாயத்தில் பிறந்து, சமுதாயத்தால் வளர்க்கப்பட்டு, சமுதாயத்தால் கல்வி கற்பிக்கப் பட்டு, எண்ணற்ற பலன்களை சமுதாயத்திலிருந்து பெற்றுக் கொண்ட நீங்கள், இந்த சமுதாயத்திற்கு என்ன செய்திருக்கிறீர்கள்? சமுதாய சேவையை, இந்த சமுதாயம் நமக்கு செய்துள்ள அனைத்திற்கும் நன்றியை வெளிப்படுத்தும் ஒன்றாகக் கருத வேண்டும்.இந்த சமுதாயம் இன்றி நாம் வாழ இயலாது. இறைவனால் அளிக்கப் பட்டுள்ள இந்த உடலை தர்மத்தைக் கடைப்பிடிப்பதற்காகப் பயன்படுத்த வேண்டும். பெண்கள், தங்களது தினசரி கடமைகளைக் கூட தியானமாகக் கருத வேண்டும். வீட்டு வேலைகளின் காரணமாக, அவர்கள், ஸத்ஸங்கத்தில் பங்கேற்ற முடியவில்லை என்றால், அதற்காக வருத்தப் படக்கூடாது.வீட்டின் கடமைகளை ஆற்றுவது, ஒரு ஸத்ஸங்கத்தில் பங்கேற்பதைப் போன்று புனிதமானதே.வீட்டில் உங்களது கடமைகளை சரிவர ஆற்றினால் மட்டும் தான், வெளியிலும் நீங்கள் சரியாக சேவை ஆற்ற முடியும்.நீங்கள் வீட்டில் எந்த வேலையைச் செய்தாலும், தரையைப் பெருக்கினாலோ அல்லது சப்பாத்திகளை செய்தாலோ, அதையும் ஒரு ஆன்மீக சாதனையாக மாற்றி விடுங்கள். ஒவ்வொரு செயலையும் தெய்வீக அன்பில் தோய்த்து, அதை இறைவனுக்கே அர்ப்பணித்து விடுங்கள்.