பிறரது நிலைமையைச் சீர் செய்வதற்காக ஆற்றப்படும் தன்னலமற்ற சேவை எனும் ஆன்மீக சாதனை, ஒருவர், தனது மோக்ஷத்தைக் குறித்து செய்யும் ஆன்மீக சாதனையை விட உயர்ந்ததாகும். இறைவனது வெளிப்பாடாக இருக்கும் மனித குலத்தில் இறைவனை வழிபடுங்கள். ஒருவரது நிறம், ஜாதி, குலம் மற்றும் மொழி எதுவாக இருந்தாலும், அனைவரும் இறைவனது குழந்தைகளே. இந்த ஒற்றுமை உணர்வு பேணிக் காக்கப் பட வேண்டும்.சக மனிதர்களுக்கு சேவை ஆற்றுவது, உண்மையில் இறைவனை வழிபடுவது போன்றதே ! சக மனிதர்களை உயர்த்துவதற்குத் தேவையான திறனும், விருப்பமும் உங்களுள் இருக்கிறது. நாட்டிற்கு உங்களது சேவை மிகவும் துரிதமாகத் தேவைப் படுகிறது. எளிமையாகக் கூற வேண்டும் என்றால்,சக மனிதர்களை, அவர்களது ஆரோக்யம் மற்றும் அமைதியைக் குலைக்கும் பழக்கங்களை விட்டு விடுவதற்கு இணங்கச் செய்து, அவர்களுள் பரஸ்பர உதவி, வாய்மை மற்றும் அஹிம்சை போன்ற குணங்களை மேம்படுத்துங்கள். இறைவன் இந்த பிரபஞ்சத்தை வெளிப்படுத்தும் ஆர்வத்தை வரவேற்றான். ‘’ ஏகோஹம் பஹூஷ்யாம் ‘’( நான் ஒருவனாக இருக்கிறேன், நான் பலவாறாக ஆகட்டும்) என்று தனக்குள்ளேயே ஸங்கல்பித்துக் கொண்டான். நீங்களும் அவ்வாறே பரிமளித்து, பரந்து விளங்க வேண்டும் என்ற தேவையை உணர வேண்டும்.அதை அதிகரிப்பதற்கு, அந்த செயல்பாட்டில் ஆனந்தத்தைப் பெற்று, அதை உங்களுடையதாக்கி, பிறருடன் பகிர்ந்து கொள்ளுங்கள்.