தர்மத்திலிருந்து வழுவிய ஒரு மனிதன், அடிமையாக இருப்பதை விடக் கூட அதிகமான துன்பத்தைச் சந்திக்கிறான். நீங்கள் ஜாக்கிரதையாகவும், ஒற்றுமையாகவும் இல்லா விடில், எதிரிகள் படையெடுத்து வந்து,உங்களை அடிமைப் படுத்தி விடுவதைப் பற்றிப் பெரிதாகச் பேசப்படுகிறது. ஆனால் தர்மத்தை இழப்பது அதை விடப் பெரிய பேராபத்தாகும்; ஏனெனில், ஒருவருக்குக் கொடுக்கப் பட்ட திறன்களுக்கு ஏற்றவாறு ஒருவர் வாழவில்லை என்றால், அந்த வாழ்க்கைக்கு என்ன மதிப்பு இருக்கிறது?இந்தக் கோட்பாடுகள் ஸனாதனமானவை எனப்படுகின்றன; ஏனென்றால், அவை எப்போது தோன்றியவை எனத் தெரியாது, அவற்றை இயற்றியவரையும் கண்டு பிடிக்க இயலாது; வெறுப்பு விருப்பற்ற முனிவர்களின் தெளிந்த புத்திகளில் வெளிப்பட்டவை இவை. அவை அடிப்படையானதும், சாஸ்வதமானதும் ஆகும். அவை தாற்காலிகமான கோளாறுகளைக் குறிப்பவை அல்ல.தர்மம், என்பது, கால தேச வர்த்தமானங்களுக்கு உட்பட்டு, அந்த அந்தத் தருணங்களின் தேவைகள் மற்றும் ஆதிக்கங்களால் மாற்றியோ, சரிக்கட்டவோ செய்யப் படும் ஒன்று அல்ல. அதன் பொருள், மனித குலத்தை, அகத்தில் இசைவையும், புறத்தில் சாந்தியையும் பெறும் வண்ணம் முன்னேற வழிகாட்டும், எண்ணற்ற அடிப்படை கோட்பாடுகளே தர்மம் என்பதாகும்.