உங்களில் பலர், ‘’ ஒரு மஹாத்மாவை தரிசித்தால்,பாபங்கள் அனைத்தும் நசித்து விடும் ( தர்ஸனம் பாப நாஸனம் ) என்று கூறப்படுகிறது. நான் ஒரு முறை அல்ல, பலமுறை தரிசனம் பெற்றுள்ளேன்.; இருந்த போதும், எனது தீய விதி என்னை விட்டபாடில்லை; நான் முன்பை விட இன்னும் அதிகமாக கஷ்டப்படுகிறேன் ‘’ என்று துக்கப் படுகிறீர்கள். உண்மை தான், நீங்கள் பலமுறை வந்து தரிசனம் பெற்றுள்ளீர்கள்;புனிதத் தலங்களில் இருந்து பெற்ற அன்பு, இறைநம்பிக்கை, பக்தி, நல்லோரின் நட்பு வட்டம், இறைச் சிந்தனைகள், இறை நாமஸ்மரணை போன்ற புதிய விதைகளை விதைத்திருப்பீர்கள்; தீவிர விவசாயம் மற்றும் மண்ணைத் தயாரிக்கும் முறைகளைக் கற்றுக் கொண்டுள்ளீர்கள்.இப்போது நீங்கள் நன்றாகப் பதப்படுத்தப் பட்ட தூய்மையான இதயம் எனும் நிலங்களில், இந்த விதைகளை கவனமாக விதைத்துள்ளீர்கள். இப்போது, புதிய அறுவடை செய்து, புதிய மகசூல் வரும் வரை, முந்தைய அறுவடைகளில் கிடைத்து சேமித்து வைத்திருக்கும் தானியங்களை நீங்கள் உட்கொண்டே ஆக வேண்டும் அல்லவா? நீங்கள் இப்போது அனுபவிக்கும் துன்பங்களும் கவலைகளும், உங்களது முந்தைய அறுவடைகளில் நீங்கள் சேமித்த தானியங்களே; எனவே,துக்கப் பட்டு, மனம் தளராதீர்கள் !