இறைவன் மீது நம்பிக்கையுடன். பலன்கள் எவ்வாறாக இருந்தாலும், உங்களது நேரத்தை உலகின் சேவைக்கு அர்ப்பணியுங்கள்.பின்னர் நீங்கள் ஆசீர்வதிக்கப் பட்டவர்களாக ஆகி விடுவீர்கள். இல்லை எனில், உடல் செயலற்று இருந்தாலும், மனம், அதற்கே உரித்த செயல்களில் அதிகமாக ஈடுபட்டுக் கொண்டு இருக்கும். இப்படிப் பட்ட மனம் படைத்தவர்கள், அவர்கள் எதுவும் செய்யாமல் இருந்தாலும் கூட, கர்ம பலன்களுக்கு ஆளாவார்கள் !எப்போது ஒரு மனிதர் தனது மனதை இறை தியானத்திலும், உண்மையைத் தேடுவதிலும் நிலை கொள்ளச் செய்கிறாரோ, அவரது உடலும், புலன்களும் உலகின் சேவைப் பணிகளை ஆற்றிக் கொண்டு இருந்தாலும், அவர்கள், அவற்றால் பாதிக்கப் படுவதில்லை; அவர்கள் செயலாற்றிக் கொண்டிருந்தாலும் கூட, செயல் ஆற்றாதவர்களாகவே கருதப் படுவார்கள்.இதுவே ஸ்ரீமத் பகவத் கீதை தரும் பாடமாகும். புனித எண்ணங்களால் மனதை வளர்க்கப் பாடுபடாத மனிதனின் இதயம், தீமை மற்றும் கொடூரத்தின் ஸ்வர்கமாக இருப்பது திண்ணம். உன்னத நிலைக்கு உயர விரும்பும், ஒருமுனைப்பை நாடும், இறைவனால் காப்பாற்றப் பட விழையும், ஒவ்வொருவரும் இதை மனதில் கொள்ள வேண்டும்.