நீங்கள், அனாவசியமாக, பல திட்டங்களைத் தீட்டிப் போராடிக்கொண்டு, அல்லும் பகலும் அவற்றைப் பற்றியே சிந்தித்துக் கொண்டு இருக்கிறீர்கள். நீங்கள் என்ன போராடினாலும், உங்கள் கைகளிலிருந்து எது போக வேண்டுமோ ,அது போயே தீரும். அனைத்து மனிதர்களிலும் உள்ள தெய்வீகம் ஒன்றே. உடல் ஒரு நீர்க்குமிழியைப் போன்றது. மனம் பித்துப் பிடித்த ஒரு குரங்கைப் போன்றது.இந்தப் பைத்தியக்காரக் குரங்கை நீங்கள் பின்பற்றினால், பிரச்சனைகளுக்கு ஆளாவீர்கள். அதைப் போலவே, ஒரு நீர்க்குமிழியைப் போல இருக்கும் இந்த உடலை நம்பினால், அது எப்போது உடைந்து சிதறும் என்பது உங்களுக்குத் தெரியாது. எதுவும் நிலையானதல்ல. தெய்வீக ஆத்மா மட்டுமே நிலையானதும், அமரத்துவமானதும் ஆகும். ‘’ நான்’’, ‘’ஆத்மா’’, ‘’கடவுள்’’, என்பதெல்லாம் ஆத்மஸ்வரூபனான இறைவனது வெவ்வேறு நாமங்களாகும். இறைவன் ஸ்ரீராமன், பகவான் ஸ்ரீகிருஷ்ணர் என்று பல விதமாக அவதாரம் எடுத்து, பல்வேறு கஷ்டங்களை அனுபவித்து தலைசிறந்த இலட்சியங்களை எடுத்துக் காட்டினார்கள். இறுதியில் ஒவ்வொருவரும் தங்களது சரீரத்தை விட்டுச் சென்றார்கள். அவதாரங்களின் பௌதீகமான உடல்கள் , பல மாறுதல்களுக்கு உள்ளாகலாம்; ஆனால் அவர்கள் உடல்களில் உள்ள தெய்வீக ஆத்மா, அதே மாதிரியே இருக்கும். அது அங்கிங்கெனாதபடி எங்கும் நிறைந்தது , நித்யமானது, மாற்றமே அற்றது, காலத்திற்கெல்லாம் அப்பாற்பட்டது.