ஒரு வருடத்தில் குறிப்பிட்ட ஒரு நாளை எடுத்துக் கொண்டு, அந்த நாளை மட்டும் மிகுந்த மகிழ்ச்சியுடன் கொண்டாடுவது என்பது உண்மையில் அறிவீனமே. பொருட்களாலான இந்த உலகில் அனைத்தும் நிலையற்றவை மற்றும் பொய்மையானவையே. எனவே, நாம் நித்ய சத்தியம் மற்றும் உண்மையை தியானிக்க வேண்டும். நாம் கடந்த காலத்தை எண்ணி வருந்துவதிலோ அல்லது வருங்காலத்தை எதிர்பார்ப்பதிலோ நமது நேரத்தை வீணடிக்கக் கூடாது. நிகழ்காலத்தை மறந்து எதிர்காலம் அல்லது கடந்த காலத்தை எண்ணிக் கவலைப் படுவது மிகப் பெரிய முட்டாள்தனமாகும். நிகழ்காலம் மட்டுமே உண்மையானதாகும். கடந்தது, கடந்து விட்டது, நீங்கள் எவ்வளவு தான் பிரார்த்தித்தாலும் அதைத் திரும்பப் பெற முடியாது. எதிர் காலம் என்பது காலத்தின் கருவறையில் உள்ளது.இந்த உண்மையை உள் வாங்கிக் கொள்ள இயலாமல், மனிதர்கள் கடந்த மற்றும் எதிர்காலத்தைப் பற்றி கவலைப் படுகிறார்கள். எனவே, இப்போதிலிருந்து நிகழ்காலத்திற்கு முக்கியத்துவம் கொடுங்கள். உங்களது ஒவ்வொரு நாளின் ஒவ்வொரு நிமிடத்தையும் நீங்கள் கவனித்து அதை புதிய ஆனந்தத்துடன் கொண்டாடுங்கள் ! உண்மையில் ஒரு உண்மையான பக்தனுக்கு ஒவ்வொரு நாளும் புதியதே, ஒவ்வொரு நாளும் பண்டிகையே !