தொன்று தொட்ட காலத்திலிருந்தே, உங்களுக்கு, ஆத்மாவுடன், நிரந்தரமான, அளவற்ற, இணை பிரியாத தொடர்பு உள்ளது.ஸ்ரீமத் பாகவதம், ‘தான் எந்த மூலாதாரத்திலிருந்து வந்ததோ, அதற்கே திரும்பிச் செல்வது என்பது, ஒவ்வொரு ஜீவராசிக்கும், இயற்கையானதே ‘’ என்று பறைசாற்றுகிறது.நீங்கள் தெய்வீகத்திலிருந்து வெளிப்பட்டுள்ளீர்கள்; நீங்கள் தெய்வீகத்துடன் ஒன்றரக் கலந்தே ஆக வேண்டும்.அந்தக் குறிக்கோளை அடையும் வரை புனிதமான வாழ்க்கைப் பயணத்தை சாதாரணமாக எடுத்துக் கொள்ளாதீர்கள். நீங்கள் எங்கிருந்து வந்தீர்கள் என்று உங்களையே கேட்டுக் கொள்ளுங்கள். உங்கள் தாயாரிடமிருந்து அல்ல ! உங்கள் தாய் இந்த உடலை உங்களுக்கு பரிசாக அளித்தார்; ஆனால் ஆத்மா இறைவனிடமிருந்து வந்தது. நீங்கள் உடலுமல்ல, புலன்கள் அல்ல மனமும் அல்ல. நீங்கள் ஆத்மா மட்டுமே. நீங்கள் ஒவ்வொருவரும் அமரத்துவத்தின் ஒரு புதல்வனே. அப்படி இருக்கும் போது, நீங்கள் ஏன் அன்ருதத்தை ( பொய்மை) நாடுகிறீர்கள் ? அமரத்துவத்திற்கான வழி எது ? ஒழுக்கக் கேட்டை நீக்குவதே, அமரத்துவத்திற்கான ஒரே வழி. தவறான இயல்புகள் மற்றும் தீய குணங்களான பற்றுதல், த்வேஷம் மற்றும் பொறாமை ஆகியவை உங்களை இறைவனிடமிருந்து வெகு தொலைவில் இருக்குமாறு செய்து விடுகின்றன. அவற்றை விட்டொழியுங்கள்; இறைவன் உங்களுக்கு நெருக்கமானவராகவும், நேசமுள்ளவராகவும் ஆகி விடுவார்.