நீங்கள் மணிக்கணக்கில் ஆன்மீக உபன்யாசங்களைக் கேட்டிருக்கிறீர்கள்;பல நாட்களையும், இரவுகளையும் ஆன்மீக சாதனையில் கழித்திருக்கிறீர்கள். உங்களது வாழ்க்கையைப் புனிதமாக்குவதற்கு, உறுதியான ஏதாவது முயற்சிகள் எடுத்திருக்கிறீர்களா?ஒரு இலட்சிய வாழ்க்கை வாழ முயற்சி செய்யுங்கள். உங்களது அன்றாட நடத்தையில், முன்னேற்றமான நல்ல மாற்றங்கள் இல்லை என்றால், ஆன்மீக சாதனைகள் என்று கூறப்படும் அனைத்தும் வீணே என்பதை நினைவில் கொள்ளுங்கள்! மக்கள் மணிக் கணக்கில் பிரார்த்தனை மற்றும் தியானத்தில் கழித்ததாக சாதிக்கிறார்கள். மனக்குவிப்பு இல்லை என்றால், இவற்றால் என்ன பயன்? இதற்கு பதிலாக, நீங்கள், உங்களை , உங்களது வழக்கமான கடமைகளை ஆற்றுவதிலும் அல்லது சமூக சேவை செய்வது அல்லது பஜனைகளில் பங்கு கொள்வது ஆகியவற்றில் ஈடுபடுத்திக் கொள்வதே சிறந்ததாகும்.இந்த முறைகளின் மூலம் உங்கள் மனதைக் கட்டுக்குள் கொண்டு வர முயலுங்கள். பின்னர் உங்கள் வேலையே, வழிபாடாக மாறி விடும். உங்களது சிந்தனைகளையும், செயல்களையும் இறைவனுக்கு அர்ப்பணித்து விடுங்கள். நீங்கள் செய்யும் ஒவ்வொன்றையும், இறைவனைத் திருப்திப் படுத்துவது (ஸர்வ கர்மா பகவத் ப்ரீத்யார்த்தம்) என்ற ஒரே நோக்கத்துடன் செய்வதன் மூலம், உங்களது செயல்களை, நீங்கள் புனிதமாக்க முடியும். நீங்கள் இறைவனை உணர வேண்டும் என்று விரும்பினால், அதை உங்களது கடமைகள் மற்றும் செயல்களின் மூலமே செய்தாக வேண்டும். இது அவ்வளவு எளிதானதல்ல !