மாயை,மனிதர்களை, காமமாக வாட்டுகிறது. காமத்தால் தூண்டப்பட்டு, நீங்கள் செவிகளைத் திருப்திப் படுத்தும் ஓசைகள் மற்றும் உங்களது தோலுக்கு இன்பம் அளிக்கும் மிருதுவான மற்றும் மென்மையானவற்றின் பின்னால் அலைகிறீர்கள் ! உங்களுள் உள்ள அக்னி அம்சத் திருப்திப் படுத்த, உங்கள் கண்களை ஈர்க்கும் அழகான ரூபங்களை நாடவும்,உங்களுள் உள்ள நீர் அம்சத்தைச் சாந்தப்படுத்த சுவையான உணவு மற்றும் பானங்களுக்காக ஏங்கவும், மண் அம்சத்தின் உள்ளார்ந்த உந்துதலை மகிழ்விக்க, சுகந்தம் மற்றும் இனிமையான நறுமணங்களை அனுபவிக்கவும் செய்கிறீர்கள் ! காமத்தின் கொடிய நோக்கங்கள் உங்களது நிரந்தரமான சந்தோஷத்தை சூறையாடி விடுகின்றன. தாங்க முடியாத சூரிய உஷ்ணத்தை, உங்களது உடல், இதமான வெப்ப நிலையான 98.4 டிகிரி அளவிற்குக் கட்டுப் படுத்திக் குறைத்து விடுகிறது. அதைப் போலவே,நீங்களும், சுவை, ஒளி, ஊறு, ஓசை, நாற்றம் ( ஸப்த, ஸ்பர்ஸ, ரஸ, ரூப, கந்த ) ஆகிய (பஞ்ச பூத) அம்சங்களின் ஆரவாரக் கூச்சலினால் எழும் அழிவுச் சக்திகளைத் தீவிரமாகக் கட்டுப் படுத்தி, அவற்றை சகித்துக் கொள்ளும் அளவிற்குக் கொண்டு வர வேண்டும்.பின்னர், நீங்கள் ஒரு ஆரோக்கியமான மற்றும் ஆனந்தமான வாழ்க்கையை நடத்த முடியும் !