ஒழுங்குக் கட்டுப்பாட்டைக் கண்டிப்பாகக் கடைப் பிடிக்க வேண்டும்.காலையில் எழுவதிலிருந்து, உங்கள் காலைக் கடன்களை முடித்து விட்டு,இறை தியானம் செய்து,பின்னர்,வழக்கமாகச் செய்யும் முறையிலிருந்து மாறாது, உங்களது கடமைகளை முறையாக ஆற்ற வேண்டும்.வழக்கத்தை தினம் தினம் மாற்றுவது விரும்பத் தக்கதல்ல.ஒரு நாளின் செயல்களை ஒரே அட்டவணைப் படி ஒழுங்கு படுத்த வேண்டும். காலையில் உள்ள சூழ்நிலை அமைதியானதும், சாந்தமானதும் ஆகும். இந்தப் பிண்ணனியில், காலைக் கடன்களை முடித்தவுடனேயே, ஒருவர், குறைந்தது சில நிமிடங்களையாவது, ப்ரேமையுடன் இறை தியானத்திற்காக அர்ப்பணிக்க வேண்டும். பகுத்தறிதல் என்பது அடுத்ததாக வருகிறது. உலகம், நல்லவை-கெட்டவை,சரி-தவறு, வெற்றி-தோல்வி என்பதன் கலவையாகும். ஒன்றுக்கொன்று எதிர்மறையாக உள்ளவைகளால் நிரம்பியுள்ள ஒரு உலகத்தில், நீங்கள் இடையறாது, சரியானவை மற்றும் ,முறையானானவை எது, தவறானவை மற்றும் விரும்பத்தகாதவை எது என ஆராய்ந்து இவற்றிலிருந்து ஒன்றைத் தேர்ந்தெடுக்க வேண்டும். நீங்கள் மனதால் வழி நடத்தப் படாமல், புத்தியின் வழிகாட்டுதல்களைக் கேட்டு அவற்றைப் பின்பற்ற வேண்டும். மனதைப் பின்பற்றும் வரை, நீங்கள் தெய்வீகத்தை அடைய முடியாது.