இறைவன் சிலரை தண்டிக்கிறான், சிலருக்கு சலுகைகள் அளிக்கிறான் என்று கூறப்படுகிறது. நான் சொல்கிறேன்; இறைவன் இரண்டும் செய்வதில்லை. அவன் மின்கம்பியில் உள்ள மின்சாரம் போன்றவன். அது மின்விசிறியைச் சுழல வைத்து, வாழ்க்கைக்கு சௌகரியம் அளிக்கிறது. அது மின் நாற்காலியை இயங்க வைத்து, வாழ்க்கையைக் குறைத்து விடுகிறது. அதற்கு உஷ்ணத்தைக் குறைக்க வேண்டும் என்ற ஆசையோ அல்லது உயிரைக் குடிக்க வேண்டும் என்ற ஆவலோ இல்லை. இறை அருள் காற்றைப் போன்றது. பாய்மரத்தைச் சுருட்டி வையுங்கள், படகு செயலற்று செல்ல முடியாமல் இருந்து விடுகிறது. அவற்றை விரித்து விடுங்கள், படகு வேகமாக முன்னேறுகிறது. ஒரு தந்தை, தனது விருப்பங்களை மதித்து, கட்டளைகளுக்குப் பணியும் மகனுக்கு தனது செல்வத்தை அளிக்கிறாரே அன்றி, அவற்றைப் பணியாது, எதிர்க்கும் மகனுக்கு அல்ல. இறைவன் அனைவருக்கும் தந்தையாவான். நீங்கள் ஆஸ்திகனாக இருந்தால், உங்களுக்கு இறைவனது ஆஸ்தி கிடைக்கும். தனது உண்மையான நலன்களை அறியாத, தங்களது வீழ்ச்சியைப் பற்றித் தெரியாத ஒருவரிடம் அவரது சொந்த ஆஸ்தி கூட ஒப்படைக்கப் படுவதில்லை.; தனது விஷயங்களை, தானே கவனித்துக் கொள்ள முடியும் என்று அவர் நிரூபிக்கும் வரை, ஒரு பொறுப்பாளர் அவற்றை கவனித்துக் கொள்ள வேண்டி உள்ளது.