வேதங்கள், ‘ சத்தியத்தையே பேசு ( ஸத்யம் வத ),’’, ‘’ தர்மத்தையே கடைப்பிடி ( தர்மம் சர )’’ எனக் கட்டளையிடுகின்றன. பல சலனங்களுக்கு இடையிலும் ஸ்ரீராமர் சத்தியத்தையே பற்றி ஒழுகி, தர்ம மார்க்கத்திலிருந்து ஒரு போதும் விலகாமல் இருந்தார். ஒருவரை அழிப்பதற்காண காரணத்தை உருவாக்குவதற்காக, அவர், மற்றவரைத் தூண்டியதே இல்லை; மாறாக, தனது எதிரிகளுக்கு, அவர்கள் தங்களைக் காப்பாற்றிக் கொள்வதற்கான எல்லா வாய்ப்புக்களையும் அளித்தார். அவர், வானரர்களுக்கும், ராக்ஷஸர்களுக்கும், ஏன் ஜபாலி போன்ற முனிவர்களுக்கும் கூட தர்மத்தின் போதனையை எடுத்துச் சென்றார். விபீஷணனின், அஞ்சலியை எந்தத் தடையும் கூறாது ஏற்றுக் கொண்டார்; ராவணனையும் கூட, அவன் தனது தவறை உணர்ந்து பச்சாதாபப் பட்டால், ஏற்றுக் கொள்ளத் தயாராக இருப்பதாக அறிவித்தார். ஸ்ரீராமரைப் போல நீங்களும் உங்களது பெற்றோரிடம் பக்தி கொண்டிருந்தால் மட்டுமே, தூய ஸ்ரீராம நாமஸ்மரணை, உங்களைக் காக்கும். இல்லை என்றால், அந்த ஸ்ரீராம நாமஸ்மரணை வெறும் உதடுகளின் ஒரு அசைவே. அவரது திருநாமத்தை உச்சரிக்கும் போதும் அல்லது எழுதும் போதும் ஸ்ரீராமரின் திருவுருவத்தை தியானம் செய்யுங்கள். இந்தப் பயிற்சி உங்களை ஆன்மீகத்தில் ஆரோக்யம் மற்றும் வலுவுள்ளவராகவும் ஆக்கும்.