ஒரு மனிதனின் ஒவ்வொரு நிலையிலும், மாணவன் க்ருஹஸ்தன், சம்பாதிப்பவன், முதலாளி, தொழிலாளி, ஆன்மீக சாதகன், சந்நியாஸி என்ற எல்லா நிலைகளின் இலட்சியங்களை வளர்க்கும், நடைமுறை கோட்பாடு தர்மமே. இந்தக் கோட்பாடு திரிக்கப் பட்டு, மனிதகுலம், தான் வந்ததன் உயர்ந்த நோக்கத்தை மறந்து, தனது உலக வாழ்க்கையை சீரழித்துக் கொள்ளும்போது, இறைவன் அவதாரம் எடுத்து வந்து மனிதர்களை சரியான பாதையில் இட்டுச் செல்கிறான். பகவான் ஸ்ரீராமர், அப்படிப் பட்ட ஒரு அவதாரமே. அவர் உண்மையிலேயே, மனித உருவம் என்ற மாயையைப் போர்த்தி வந்த தர்மஸ்வரூபன் ஆவார். அவர் குழந்தைப் பருவத்திலிருந்தே கூட, தினசரி வாழ்க்கையில் தர்மத்தைக் கடைப்பிடித்தவர்.அவர் தர்மத்தின் உருவமே. அவரில் அதர்மத்தின் ஒரு சாயல் கூட கிடையாது. அவரது சாந்தமான இயல்பு மற்றும் அன்பும், பரிவும் கொண்ட உணர்வில் அவரது தெய்வீக இயல்பு வெளிப்படுகிறது. அவரை தியானியுங்கள்; அனைத்து ஜீவராசிகளின் மீதும் , நீங்கள் அன்பு நிறைந்தவர்களாக ஆவீர்கள்; அவரது சரித்திரத்தில் மனதைக் குடி கொள்ளச் செய்யுங்கள்; உங்கள் மனதின் எல்லாக் கலக்கங்களும் பிரசாந்தமாக அமைதி கொள்வதை நீங்கள் காண்பீர்கள்.