முன்பெல்லாம், தெய்வீக அவதாரங்கள் சில வெறியர்கள் மற்றும் அரக்கர்களை அழிப்பதன் மூலம், அவர்கள் செய்த தீமைகளிலிருந்து , இந்த உலகை விடுவித்தார்கள். ஆனால் தற்காலத்தில்,வெறித்தனமும், குற்றங்களும் ஒவ்வொரு இதயத்திலும் ஆட்சி செய்கின்றன. தீயவர்கள் ஒரு அணியாக உள்ளனர்; எவரும் இந்தக் களங்கமின்றி இல்லை; எல்லோரும் ஏதோ ஒரு அளவு தீயவர்களாக இருக்கின்றனர். எனவே, ஒவ்வொருவரையும் திருத்த வேண்டி உள்ளது.ஒவ்வொருவருக்கும் போதனை செய்து, சரியான பாதையில் வழி நடத்த வேண்டி உள்ளது. ஒவ்வொரு ஜீவராசியும், இறைவனிடம் திரும்பி வந்து அவனுடன் ஒன்றரக் கலக்க வேண்டிய , புனித யாத்ரீகரே. ஆனால் பலர் பாதையை மறந்து, வழி தவறிய குழந்தைகளைப் போலத் திரிந்து, உலகின் சந்து பொந்துகளில் தங்களது விலை மதிக்க முடியாத காலத்தை விரயம் செய்கின்றனர். உணர்ந்து,சிந்தித்து, காலத்தைக் கடந்து செல்லும் தங்கள் பயணத்தை அனுபவிக்கும் திறன் கொண்ட, படைப்புக்களிலேயே தலை சிறந்தவர்கள், மனிதர்களே! விவேகம் எனும் வாளுடன், வைராக்யம் என்ற கவசத்தையும் பூண்டு, நீங்கள் இந்த அரிய வாய்ப்பினைப் பயன்படுத்தி உங்களை தெய்வீகமானவர்களாக மாற்றிக் கொள்ள வேண்டும் – இதுவே உங்களது முடிவும், திட்டமும், உங்களது வாழ்க்கையின் குறிக்கோளும் ஆகும்.