அஹங்காரம் மற்றும் மமதையைத் தவிர வேறு எதற்கும் இட்டுச் செல்லாத, படிப்பு அல்லது பாண்டியத்தினால் இறைவன் ஈர்க்கப் படுவதில்லை. இறைவன் தூய பக்தியினால் மட்டுமே ஈர்க்கப் படுகிறான். உங்களிடம் எந்த விதமான துன்பங்கள் இருந்தாலும், அவற்றை என்னிடம் கொண்டு வாருங்கள்; நான் அவற்றை ஏற்றுக் கொண்டு, உங்களுக்கு ஆனந்தம் அளிப்பேன் ! நீங்கள் கோவிலுக்கோ அல்லது பிரசாந்தி நிலயத்திற்கோ ஓடி வந்து, தரிசனத்திற்காக ஏங்குகிறீர்கள் !இந்த ஏக்கத்தை விட பெரிய பக்தியின் சின்னம் வேறு என்ன தேவை? ஆனால் இந்த அன்பு போதாது ! உண்மையில் இது ஒன்றுமே இல்லை ! நல்லொழுக்கம் மற்றும் சேவை உருவில் ஒழுங்குபடுத்தப் பட்ட அன்பே இப்போதைய தேவையாகும். நீங்கள் அதை அடைந்து விட்டால், நீங்கள் உண்மையிலேயே ஏதோ ஒன்றை சாதித்து விட்டீர்கள் எனலாம். பற்றின்மையும், தெய்வீக அன்பும், சுற்றுப் புறத்தில் எதிரொலிக்க வேண்டும்; அமைதி, கட்டுப்பாடாக, அந்த இடத்தை நிரப்ப வேண்டும். இறை நாமத்தை உங்கள் நாவிலும், நீங்கள் தேர்ந்தெடுத்த இறை ரூபத்தை உங்கள் கண்களிலும் வைத்துக் கொள்ளுங்கள். நீங்கள் உங்களையே இவ்வாறு உருவாக்கிக் கொண்டீர்களானால், நீங்கள் நிற்கும் இடமே காசியாகவும், உங்கள் இல்லமே பத்ரியாகவும் ஆகி விடும்.