பலர் நீங்கள் ஆன்மீக சாதனைகளை மேற்கோள்வதிலிருந்து தடுக்கிறார்கள் ; ஏதோ இவை எல்லாம் வயதானவர்களுக்கே உரித்தானவை மற்றும் அவர்களுக்கான தண்டனைகள் போலவும் கருதி, இவை முதிர்ந்த வயதில் செய்யப் பட வேண்டியவை என்று கூறுகிறார்கள் ! எவ்வளவு உங்களால் முடியுமோ அவ்வளவு இந்த உலகத்தை அனுபவியுங்கள்; அதன் பின் என்ன செய்யலாம் என்பதை யோசிக்கலாம் , என்பதே பலரின் மனப்பாங்காக இருக்கிறது ! ஒரு குழந்தை தனது முதல் சில காலடிகளை, தனது வீட்டின் பாதுகாப்பான சூழ்நிலையில் எடுத்து வைக்கிறது; அதன் காலடிகள் உறுதியாகும் வரை, அதன் நிலை சீராகும் வரை, உள்ளேயே சுற்றுகிறது ; பின்னர் முறையாக வளர்ந்து வர வர, மெதுவாக தெருக்களிலும், பின்னர் இந்த பரந்த உலகத்திலும் காலைப் பதிக்கிறது. அதைப் போலவே, ஒவ்வொருவரும் தங்களது உள் உலகை முதலில் வென்று, கவர்ச்சிகளால் பாதிக்கப் படாமல் இருக்க வேண்டும். உங்களது புலன்கள் காலைத் தடுக்கி விடும்போது, கீழே விழாமல் இருக்க நீங்கள் கற்றுக் கொள்ள வேண்டும்; இந்தப் பக்கமோ அல்லது அந்தப் பக்கமோ சாய்ந்து விடாத சமச்சீரான மன நிலையையும் கற்றுக் கொள்ள வேண்டும். பகுத்தறியும் இப்படிப் பட்ட ஞானத்தை வென்ற பிறகு, நீங்கள் மனோதைரியத்துடன் இந்த உலகில், உங்களது தனித்தன்மைக்கு எந்த விபத்தும் ஏற்படாதவாறு, சுற்றித் திரியலாம்.