ஒரு டம்ளர், நீரால் பாதி நிரம்பி இருப்பதைப் பார்க்கும் நன்னம்பிக்கை கொண்ட ஒருவர் அது பாதி நிரம்பி இருக்கிறதே என மகிழ்கிறார்; அதே சமயம் அவநம்பிக்கை கொண்ட ஒருவர் அது பாதி காலியாக இருக்கிறதே என்று வருத்தப் படுகிறார். இந்த இரண்டு கூற்றுக்களும் உண்மைதான் என்றாலும், நன்னம்பிக்கை கொண்டவர், அந்த அடுத்த பாதியையும் கூட நிரப்ப முடியும் என்று நம்புகிறார்; ஆனால் அவநம்பிக்கை கொண்டவர், விரக்தியடைந்து கைவிட்டு விடுகிறார். நன்னம்பிக்கை கொண்டவரிடம் நம்பிக்கை உள்ளது; அவநம்பிக்கை கொண்டவருக்கு அவரை ஆதரிக்கும் அளவிற்கு நம்பிக்கை இல்லை – இதுவே முக்கியமான வித்தியாசம். நம்பிக்கையே சக்தி. சீரான முயற்சியினால் நம்பிக்கையை வளர்த்துக் கொள்ளுங்கள்.உங்கள் அனைவருக்கும், இன்றைய நாளைத் தொடர்ந்து நாளை வரும் என்ற நம்பிக்கை உள்ளது; அதனால் தான் நீங்கள் இன்றைய நாளையும் தாண்டி ஆற்ற வேண்டிய செயல்களையும், திட்டங்களையும் மேற்கொள்கிறீர்கள் ! நம்பிக்கை அற்றவர்களால் திட்டமிட முடியாது; நம்பிக்கை இன்மையால் அவர்கள் துயரத்தில் ஆழ்ந்து விடுகிறார்கள் ! நம்பிக்கை முயற்சிக்கு இட்டுச் செல்ல வேண்டும். அறிவு, நம்பிக்கை மற்றும் முயற்சியின் மூலம் ஞானத்தை அடைய முடியும். இதனைக் கொண்டு, நீங்கள் மிக உயர்ந்த நிலையை அடைந்து, வெற்றி வாகை சூட முடியும். வெறும் உலகியலானவற்றில், அதிகமான நம்பிக்கை வைக்காதீர்கள். நித்ய சத்யமான இறைவன் மீது ஆழ்ந்த நம்பிக்கையை வளர்த்துக் கொள்ளுங்கள்.