“ க்ஷமா ‘’ சகிப்புத் தன்மை மற்றும் மன்னிக்கும் மனப்பாங்கினை வளர்த்துக் கொண்டு, எல்லாக் காலங்களிலும், பேச்சில் கடுமையைத் தவிர்த்து விடுங்கள். சாயியே இதற்குச் சிறந்த உதாரணமாகும். பலர் அவதூறு மற்றும் விமர்சனத்தில் ஈடுபட்டாலும், நான் முழுவதுமாக பாதிப்பின்றி, நான் நல்லது எனக் கருதுவதை உறுதியாகப் பற்றி நிற்கிறேன்.நீங்களும் கூட, சகிப்புத் தன்மை மற்றும் மன்னிக்கும் மனப்பாங்கினை விட்டு விட்டால், உங்களுக்கும் சாந்தி இருக்காது என்பதை உணர வேண்டும். நான் எப்போதும் சாந்தியுடன் இருக்கிறேன்; ஏனெனில் நான் எப்போதும் பொறுமையாக உள்ளேன்.நீங்களும் அம்மாதிரியே இருக்க வேண்டும். எவர் உங்களுக்கு எதைச் செய்தாலும், அதைப் பற்றிக் கவலைப் படாமல் இருங்கள். அவர்களது நடத்தையால் நீங்கள் இழப்பது என்ன? உங்களுக்கே, உங்களது சொந்த பலம் மற்றும் பலஹீனத்தைப் பற்றித் தெரியாது. நீங்கள் எதிர்த்துச் சென்றீர்களானால், உங்களது நிலைமையை, நீங்களே இன்னும் மோசமாக்கிக் கொள்வீர்கள்.எனவே, இந்தத் தாக்குதல்களை தைரியமாக எதிர் கொண்டு, உங்களை அவைகள் , கிளர்ச்சியடையச் செய்ய அனுமதிக்காதீர்கள்.நீங்கள் பிறரை, சகிப்புத் தன்மையால் வெல்ல வேண்டும். சகிப்புத் தன்மையை உங்களது உயிர் மூச்சாகவும், உங்களது இலட்சியமாகவும் ஆக்கிக் கொள்ளுங்கள்.