உள்ளுறையும் தெய்வீகத்தை சென்று அடைவதற்கு, நீங்கள், புலனடக்கத்தின் நான்கு வாயில்களான, சுயக்கட்டுப்பாடு( ஸமா), சுய ஆய்வு( விசாரனா), திருப்தி மற்றும் பக்திமான்கள் மற்றும் ஆன்றோர்களின் நட்பு வட்டம் ( ஸத்ஸங்கம் ) ஆகியவற்றைக் கடப்பதற்குத் தகுதி உள்ளவர்களாக, உங்களையே ஆக்கிக் கொள்ள வேண்டும். ஸமா என்றால், இறைவன் பால் நிலைகுலையாத நம்பிக்கை கொள்வதும், உங்களது புலன்கள் மற்றும் மனதைக் கட்டுப்படுத்துவதும் ஆகும். உங்களது ஞானேந்திரியங்களைக் கட்டுப் படுத்துவதில் நீங்கள் வெற்றி கண்டு விட்டால், கர்மேந்திரியங்களைக் கட்டுப் படுத்துவது எளிதாகி விடும். ஸமா, ஒருவரை மனம் மற்றும் இந்திரியங்களின் ஒரு எஜமானராக ஆக்கி விடும். இப்படிப் பட்ட ஒரு மனிதர், மிருக இயல்பைக் கடந்து, மனித நிலைக்கும் பின்னர் தெய்வீக நிலைக்கும் சென்று விடுகிறார். பறவைகள், மிருகங்கள் மற்றும் இதர ஜீவராசிகள் வெளிப் புறத்திலான விஷயங்களை அனுபவிப்பதில் ஆழ்ந்திருக்கின்றன. மனிதன் மட்டுமே, நிலையற்றவை எவை, நிலையானவை எவை என பகுத்தறிந்து,புலனடக்கம், அழியப்போகும் உடல் மற்றும் நிலையற்ற பொருட்களாலான இந்த உலகத்தின் மீதுள்ள பற்றுதலை விடுவது, ஆகியவற்றின் மூலம், என்றும் நிரந்தரமானவற்றை நாடும், திறனைப் பெற்றவனாக இருக்கிறான்.