புலனடக்கத்தை விட சிறந்த ஆன்மீக சாதனை எதுவும் இல்லை. ஜபம், தவம் போன்ற அனைத்து ஆன்மீக சாதனைகளும், புலன்களைக் கட்டுப் படுத்தாவிட்டால், பயனற்றவையே. ஒரு மனிதனுக்கு, புலன்களை அடக்குவது என்பது சாத்தியமில்லை என்ற எண்ணத்தில் நீங்கள் இருக்கலாம். இங்கு கட்டுப்பாடு என்றால், முழுமையாக விட்டு விடுவது என்று பொருளல்ல. ஒரு கிருகஸ்தனாக, ஒரு மாணவனாக, ஒரு வியாபாரியாக, உங்களது கடமைகளை ஆற்றுங்கள். ஆனால், நீங்கள் எதைச் செய்தாலும், அனைத்து செயல்களும் இறைவனை மகிழ்விப்பதற்காகவே( ஸர்வ கர்மா பகவத் ப்ரீத்யர்த்தம்) என்ற உணர்வோடு செய்யுங்கள். நீங்கள், இறைவனிடம் பரிபூரண சரணாகதி என்று அடைவது கடினமானது என எண்ணலாம்: ஆனால் என்னைப் பொறுத்தவரை இதை விட சுலபமானது எதுவும் இல்லை. ஒருமுறை இந்த உணர்வை நீங்கள் வளர்த்துக் கொண்டு விட்டீர்கள் என்றால், உங்களது அனைத்து புலன்களும் இயற்கையாகவே கட்டுப் படுத்தப் படும். நமது முன்னோர்கள், ஆத்ம தத்துவம் எனப்படும், உங்களது உண்மை ஸ்வரூபத்தை, உருவகப் படுத்தி, அனுபவிப்பதில் தான் ஆனந்தம் இருக்கிறது எனக் கூறியுள்ளார்கள். முறையாகப் புலன்களைப் பயன்படுத்துவது ஆத்ம ஞானத்திற்கு இட்டுச் செல்லும்.