சிவராத்திரி தினத்தன்று நீங்கள் உங்கள் மனதிற்கும். இறைவனுக்கும் இடையில் நட்பினை நிலை நாட்ட முயல வேண்டும். ஒரே தெய்வீகம் தான் அங்கிங்கெனாதபடி எங்கும், எல்லாவற்றிலும் நிறைந்துள்ளது என்பதை சிவராத்திரி உங்களுக்கு நினைவூட்டுகிறது. மக்கள், சிவன் திருக்கைலாயத்தில் வசிக்கிறார் என்று நம்புகிறார்கள். திருக்கைலாயம் எங்கு உள்ளது ? உங்களது சந்தோஷமும், ஆனந்தமுமே திருக்கைலாயம் ஆகும். பகவான் சிவன், சந்தோஷம் எனும் கைலாயத்தில் உறைகிறான் என்பதை இது குறிப்பிடுகிறது. நீங்கள் சந்தோஷத்தையும் மனக்களிப்பையும் வளர்த்துக் கொள்வீர்களானால், பின்னர் சிவன் உங்களுள் உறைகிறான். இந்த சந்தோஷத்தை எப்படிப் பெறுவது? நீங்கள் பரிசுத்தம், நிலைகுலையாமை மற்றும் புனிதத்துவத்தை வளர்த்துக் கொண்டால், அது உங்களுக்கு வருகிறது. பின்னர், உங்கள் இதயம் சாந்தி, சந்தோஷத்தால் நிரம்பி விடுகிறது; அதுவே உண்மையில் சிவனது திருக்கைலாயம் ஆகும். உங்களது உடல் எனும் ஆலயத்தின் கர்பக்ருஹத்தில் சிவன் வாசம் செய்வார்.சிவராத்திரியை வருடம் வெறும் ஒருமுறை மட்டும் நினைவு கூர்வதால், எந்தப் பயனும் இல்லை. ஒவ்வொரு நிமிடமும், ஒவ்வொரு நாளும், ஒவ்வொரு இரவும் நீங்கள் இறைவனை எண்ணி, உங்களது காலத்தை புனிதமாக்கிக் கொள்ள வேண்டும்; ஏனெனில் , உண்மையைக் கூறப்போனால், கால தத்துவமே, சிவனாகும்.