ஆசைகளைப் பூர்த்தி செய்து கொள்வதன் மூலம் ஒருவர் சுகத்தை நாடுகிறார். ஆசை பூர்த்தி அடைந்தால், ஒருவர் சந்தோஷமடைகிறார்; இல்லை என்றால், ஒருவர் துக்கமடைகிறார்.கஷ்டம் என்ன என்றால், ஆசை என்பது ஒரு காட்டுத் தீயைப் போல, மேலும் மேலும் எரிபொருளைக் கேட்டு, அதிகத் தீவிரமாக எரியும் ஒன்றாகும். ஒரு ஆசை, பத்து ஆசைகளுக்கு இட்டுச் செல்கிறது; ஆசையின் தேவைகளைப் பூர்த்தி செய்ய முடியாமல் ஒருவர் சோர்ந்து விடுகிறார். முடிவே இல்லாத இந்த ஆசையின் பாதையிலிருந்து, ஒருவரை உள்ளார்ந்த திருப்தி மற்றும் ஆனந்தத்தின் பாதையை நோக்கித் திருப்ப வேண்டும். உண்மை அற்றவற்றின் மீது பற்றுதலை வளர்த்துக் கொண்டதால், ஒருவர் துக்கமடைகிறார். ஒருவர் செல்வத்தின் மீது நியாயமற்ற பாசத்தை வளர்த்துக் கொள்கிறார்; ஆனால், தனது குழந்தைகளைக் காக்க வேண்டும் என்றால், அந்த செல்வத்தைத் தியாகம் செய்யத் தயாராக இருக்கிறார் ; ஏனெனில் குழந்தைகளிடம் உள்ள பாசம், தான் ஈட்டிய செல்வத்தின் மீதுள்ள பாசத்தை விட வலிமையானதாக இருப்பதால் ! தான் உயிர் பிழைப்பதா அல்லது குழந்தைகளின் நலனா என்ற நிலை வரும் போது,குழந்தைகளைப் புறக்கணிக்கும் அளவிற்கு ஒருவர் மிகவும் தாழ்ந்து விடுகிறார் ! ஆனால், ஒருவர் ஆத்மாவில் நிலை கொள்ளும் போது கிடைக்கும் ஆனந்தம், அளவற்றதும் , அழியாததும் ஆகும், இதுவே உண்மையான ஆனந்தம்.