இந்த உலக வாழ்க்கைப் பயணத்தில், மக்கள் செலவுகளுக்காக கொஞ்சம் செல்வத்தை ஈட்டி, எப்போது அவர்கள் தங்கள் குறிக்கோளை அடைந்து விடுகிறார்களோ, அப்போது, மீதி இருப்பதை , தங்களுக்கு நம்பிக்கையான ஒரு நண்பரிடம் ஒப்படைத்து விட்டு, நிம்மதியாக உறங்குகிறார்கள். ஒவ்வொருவரும் தாங்கள் பிறந்த தருணத்திலிருந்தே அன்பு எனும் செல்வத்தைக் கொண்டு வருகிறார்கள். இந்த உலகம் எனும் கர்மக்ஷேத்திரத்தில், ப்ரேமை எனும் பொக்கிஷத்தைப் பாதுகாப்பது கடினமே. எனவே, ஒவ்வொருவரும் நம்பிக்கையான ஒரு நண்பனைத் தேட வேண்டும். இன்று, இறைவன் ஒருவனே உண்மையான நண்பன்.அன்பெனும் செல்வத்தை எப்போது நீங்கள் இறைவனிடம் தந்து விடுகிறீர்களோ, பத்திரமான மற்றும் அமைதியான வாழ்க்கை நடத்துவது உங்களுக்கு எளிதாகி விடும். உங்கள் இதயத்தை விடச் சிறந்த ஆசான் எவருமில்லை. காலமே மிகச் சிறந்த போதகன். இந்த உலகனைத்துமே ஒரு வேதம் தான். இறைவனே மிகச் சிறந்த நண்பன். இந்த நான்கின் மீது முழு நம்பிக்கை வைத்து, உங்கள் வாழ்க்கையை சந்தோஷமாக நடத்துங்கள்.