ஆசைகளின் கறைகளை முழுவதுமாக நீக்குவதற்கு, உங்கள் இதயத்தை அன்பெனும் நீர், பிரார்த்தனை மற்றும் பச்சாதாபம் என்ற சோப்பினால் தூய்மைப் படுத்துங்கள்.பின்னர் இறைவன் தனது அளவற்ற கருணையை அதில் பொழிவான்.நீங்கள் இறைவனுக்காக ஏங்குபவர்களானால், லோகப்ராந்தி மற்றும் தேஹப்ராந்தியை( வெளி உலகப்பற்று மற்றும் உடல் பற்று ) நீங்கள், விட்டு விட வேண்டும்.ஒரு படகில் ஒரு காலையும், மற்றொரு படகில் மற்றொரு காலையும் வைத்துக் கொள்ள முயல்வதால் எந்தப் பயனும் இல்லை. நீங்கள் பிரசாந்தி நிலயத்தில் 20 வருடங்களாக வசித்துக் கொண்டு இருக்கலாம், ஆனால் நீங்கள் உங்களது உடல் சௌகரியங்களைப் பற்றியே அதிகம் கவலைப் படுவீர்களானால், உங்களது ஆன்மீக சாதனைகள் அனைத்தும் உண்மையில் வீணே; நீங்கள் எந்த வித முன்னேற்றமும் அடையவில்லை என்றே பொருள். ஒரு பஜனையின் முடிவில், கர்ப்பூர ஆரத்தி காண்பிப்பது,நீங்கள் உங்களது புலனின்ப ஏக்கங்களை, எந்த வித சுவடும் இன்றி முழுமையாக சுட்டுப் பொசுக்கி விட்டு, இறைவன் மற்றும் அவனது மாட்சிமையில் ஒன்றரக் கலப்பதற்கு உங்களை அர்ப்பணித்து விட வேண்டும் என்பதை, உங்களுக்கு நினைவூட்டுவதற்காகவே.