தூதர்கள் மூன்று வகையானவர்கள். முதல் வகையினர், தங்களது எஜமானரிடமிருந்து கட்டளைகளைப் ஏற்றுக் கொண்டு, அவற்றிற்குப் பணியாது, எஜமானரின் விருப்பங்களுக்கு மாறான செயல்களில் ஈடுபடுவர்கள். இரண்டாவது வகையினர், எஜமானர் சொன்னதை அப்படியே எடுத்துக் கொண்டு, அதில் எதையும் கூட்டவோ , குறைக்கவோ செய்யாமல், பின்பற்றுபவர்கள். இப்படிப் பட்ட செயல்களின் பலன்களை எஜமானர் ஏற்றுக் கொள்கிறார். மூன்றாவது வகையினர், எஜமானரின் விருப்பங்களை எடுத்துக் கொண்டு, அவற்றை முழுமையாக, எப்பாடு பட்டாவது பூர்த்தி செய்யும் விதத்தில் பணியாற்றுபவர்கள். அவர்கள் வெற்றிச் செய்தியை, தங்களது எஜமானரிடம் எடுத்துச் செல்வார்கள். ஹனுமான் இந்த மூன்றாவது வகையினருக்கான ஒரு உதாரணமாவார். ஏனெனில் ஹனுமான் எப்போது ஸ்ரீராமரையே சிந்தித்த வண்ணம் இருந்தார்; அவர் ஸ்ரீராமரின் வல்லமையை நன்கு அறிந்திருந்ததால், அவரது திருவடிகளையே எப்போதும் பின்பற்றி வந்தார். ஹனுமாரது பக்தியும், நம்பிக்கையும், தனது எஜமானரது விருப்பங்களைப் புரிந்து கொள்ள , அவருக்கு பெரிதும் உதவியது.