நீங்கள் மகத்தான, அளவற்ற ஆற்றல்களையும், திறன்களையும், சக்திகளையும் பெற்றுள்ளீர்கள். ஆனால், உங்களது உள்ளார்ந்த உண்மை நிலையான, ஏன் நீங்கள் போற்றும் நிகழ்வுகளால் ஆன இந்த உலகத்தின் நித்ய சத்யமான இறைவனை, எங்கு நேருக்கு நேர் காண முடியுமோ, நீங்கள் இவை அனைத்தையும், அந்த அற்புதமான, உங்களது சொந்த அக உலகிற்குச் செல்வதற்குப் பயன்படுத்தாது, இந்த பூமியைச் சுற்றி வரும் ஒரு மதிப்பற்ற உபகிரகத்தை (சந்திர மண்டலம்) நோக்கிப் பயணிப்பதற்காகப் பயன் படுத்துகிறீர்கள். நீங்கள் பல பிறவிகளில், செய்த புண்ணியத்தின் பலனாக நீங்கள் பெற்றுள்ள இந்த உடல்,ஸம்ஸார சாகரத்தைக் கடப்பதற்கான ஒரு கருவியான படகே அன்றி வேறில்லை. இந்த சாகரத்தைக் கடந்தவுடன், அகத்தில் உறைபவனை நீங்கள் உணர்வீர்கள். அதுவே, இந்த உடலின் நோக்கமாகும். எனவே, உங்களது உடல், வலிமையாகவும்,திறன் கொண்டதாகவும் இருக்கும் போதும் கூட,உங்கள் புத்தி, கூர்மையானதாகவும், மனம் மிகவும் விழிப்புடன் இருந்தாலும் கூட, உங்களது உடலில் ( தேஹம்) உறைபவனை( தேஹி) நாடுவதற்கான எல்லா முயற்சியும், நீங்கள் மேற்கொள்ள வேண்டும்.