எவ்வாறு ஒரு ஃபேனின் மூன்று ப்ளேடுகளும் ஒன்று போலச் சுற்றுவதற்கு, அவற்றை மின்சாரத்தால், செயல்படச் செய்ய வேண்டுமோ, அவ்வாறே, சட்டமன்றம், அதிகார வர்க்கம் மற்றும் சமூகம் ஆகிய மூன்றும் உற்சாகமாக மக்களின் நலனிற்காக ஒன்றிணைந்து பணியாற்றுவதற்கு, சேவை உணர்வின் மூலம் செயல் படச் செய்ய வேண்டும்.இந்த மூன்றும் பரஸ்பர பொறாமை, பேராசை,வெறுப்பு அல்லது த்வேஷம் ஆகியவற்றால் பாதிக்கப் படாமல் இருக்க வேண்டும்.; அவை, அன்பு மற்றும் பரிவினால் உந்தப் பட வேண்டும். சஹானாவே( சகிப்புத் தன்மை), தேவைப்படும் உராய்வு நீக்கி எண்ணெயாகும். ஒரு வீட்டின் அங்கத்தினர்களிடையே கூட அன்பும், பரிவும் இல்லை. கலி யுகம், சண்டை, சச்சரவுகள் கொண்ட கலக யுகமாக ஆகி விட்டது. எதிரிகள் தேசத்தைச் சூழ்ந்து கொண்டு இருக்கும் போது கூட, ஒரு மாநிலமும், மற்றொரு மாநிலமும், தாங்கள் இருவரும் ஒரே உடலின் அங்கங்களே என்பதை மறந்து,‘’ இந்த நிலம் எங்களுடையது ‘’, ‘’அந்த நிலம் உங்களுக்குக் கிடையாது’’ என உரிமை கொண்டாடும் முரட்டுத் தனமான த்வேஷம் காணப்படுகிறது. தேசங்களின் கதியும் இதுதான்.அனைவரும் ஒன்றே என்ற உணர்வு மற்றும் புலன்களின்பங்களைத் தியாகம் செய்தல் ஆகியவற்றின் மூலமே, இதயங்கள் ஒன்று பட முடியும்.